Ein blaenoriaethau
Caiff Blaenoriaethau'r Heddlu a Throseddu ar gyfer Gwent eu llywio gan y materion rydych wedi dweud wrth Gomisiynydd yr Heddlu a Throseddu sy'n bwysig i chi. Y rhain yw sail Cynllun y Comisiynydd ar gyfer yr Heddlu a Throseddu yng Ngwent.
- Lleihau troseddau yn erbyn y drefn gyhoeddus ac ymddygiad gwrthgymdeithasol, a nifer y bobl sy'n cyflawni'r troseddau hyn dro ar ôl tro
- Lleihau troseddau meddiangar a throseddwyr cyson
- Gwella diogelwch ffyrdd ledled Gwent
- Comisiynu a buddsoddi mewn ymgyrchoedd atal troseddau effeithiol
- Lleihau nifer dioddefwyr cyson cam-fanteisio’n droseddol ac yn rhywiol ar blant
- Cynyddu dulliau amharu ar droseddau cyfundrefnol difrifol, ac ail-fuddsoddi asedau a atafaelwyd yn ein cymunedau
- Gwella ymateb cyffredinol y system cyfiawnder troseddol i drais yn erbyn menywod, cam-drin domestig a thrais rhywiol
- Comisiynu a buddsoddi mewn gwasanaethau sy'n gweithio gyda chyflawnwyr troseddau difrifol i atal a lleihau aildroseddu
- Gwella gwasanaethau i ddioddefwyr a sicrhau bod anghenion dioddefwyr yn cael eu nodi ac yr ymatebir iddyn nhw’n briodol drwy Connect Gwent a'r Uned Gofal Dioddefwyr
- Gwella ein gwaith gyda phartneriaid ymhellach i amddiffyn y rhai sydd fwyaf agored i niwed
- Cynyddu pa mor brydlon y caiff diweddariadau am ymchwiliadau’r heddlu eu darparu i ddioddefwyr
- Comisiynu a buddsoddi mewn gwasanaethau arbenigol i gefnogi dioddefwyr drwy gydol y broses cyfiawnder troseddol
- Cynyddu effeithiolrwydd ymgysylltiad swyddogion a staff â thrigolion yn eu cymunedau, a hyder ac ymddiriedaeth y gymuned yn Heddlu Gwent
- Gwella hygyrchedd timau plismona cymdogaeth drwy amrywiaeth o sianeli cyswllt sy’n bodloni anghenion y cyhoedd
- Cynyddu lefelau riportio troseddau gan gymunedau sy'n llai tebygol o ymgysylltu â'r heddlu
- Cynyddu amrywiaeth swyddogion a staff ymhellach i sicrhau bod ein gwasanaeth heddlu yn adlewyrchu’r cymunedau rydyn ni’n eu gwasanaethu
- Sicrhau bod gan Heddlu Gwent y nifer cywir o swyddogion, staff, a gwirfoddolwyr yn y llefydd cywir
- Cynyddu buddsoddiad mewn technoleg ar gyfer plismona yn y 21ain Ganrif a’i mabwysiadu i gwrdd â heriau yfory, heddiw
- Gwella cymorth iechyd a lles i swyddogion a staff i sicrhau bod ein gweithlu’n iach ac yn barod i ateb heriau plismona
- Lleihau effaith amgylcheddol plismona yn unol â thargedau carbon niwtral Llywodraeth Cymru a Deddf Llesiant Cenedlaethau’r Dyfodol (Cymru) 2015