Prif Gwnstabl Cynorthwyol Dros Dro Vicki Townsend

Ymunodd Prif Gwnstabl Cynorthwyol Dros Dro Vicki Townsend â Heddlu Gwent yn 2007 fel Cwnstabl Heddlu yn ardal Y Fenni, Sir Fynwy, yn fuan ar ôl cwblhau ei gradd Baglor yn y Gyfraith a Gwleidyddiaeth ym Mhrifysgol Abertawe.

Enillodd Vicki ei hachrediad ditectif yn 2009 a chafodd ei dyrchafu’n Rhingyll Heddlu yn 2011. Wedyn aeth yn ei blaen i ddod yn Dditectif Ringyll yn 2012 yn arbenigo mewn trosedd difrifol a chymhleth.  

Yn ystod y cyfnod yma roedd Vicki’n cael ei hadnabod fel swyddog hynod o fedrus a thalentog, a llwyddodd ar y Cynllun Datblygiad Potensial Mawr yn 2010; gan gwblhau’r cymhwyster pum mlynedd ym mis Ionawr 2016.

Parhaodd Vicki i gael ei dyrchafu ac yn 2017 daeth yn Uwch-arolygydd Dros Dro yn Ystafell Reoli’r Heddlu, gan gwblhau ei chyrsiau Comander Tactegol ac Arfau Tanio Strategol. Vicki oedd Pennaeth yr adran Gwasanaethau Digidol yn 2020, ardal blismona leol y Dwyrain yn 2022, a Gwelliant Parhaus yn 2023. 

Vicki yw’r Comander Aur ar gyfer digwyddiadau Cemegol, Biolegol, Radiolegol a Niwclear hefyd. 

Mae Vicki’n angerddol am blismona. Mae’n benderfynol o ddarparu gwasanaeth eithriadol ar gyfer y cyhoedd. Mae Vicki bob tro’n ceisio datblygu ffyrdd arloesol o blismona ac roedd yn rhan o’r tîm a oedd yn gyfrifol am gyflwyno timau plismona hanfodol fel y Tîm Seiberdrosedd ac Ymchwilio Ar-lein.

Dechreuodd Vicki ei swydd fel Prif Gwnstabl Cynorthwyol Dros Dro ym mis Medi  2024 ac mae’n gyfrifol am blismona gweithredol.