Cymdogaethau mwy diogel

Rydym yn gweithio gyda chymdogaethau ledled Gwent i'ch diogelu gyda thechnoleg marcio eiddo fforensig, ac i'ch helpu i gadw eich eiddo'n ddiogel.

• byddwn yn ymweld â chymunedau ledled Gwent i'ch annog i ddod yn Gymdogaethau Mwy Diogel

• byddwn yn eich cynghori ar y ffordd orau o gadw eich eiddo'n ddiogel

• byddwn yn eich annog i farcio eich eiddo gyda thechnoleg fforensig anweledig SmartWaterTech, y byddwn yn ei darparu (gan weithio gyda chynghorau cymuned)

• byddwn yn arddangos arwyddion ar draws ardaloedd Cymdogaethau Mwy Diogel, yn datgan bod eiddo wedi'i ddiogelu'n gan dechnoleg fforensig.

Pam?

• mae troseddwyr yn tueddu i ddychwelyd i gymdogaeth y maen nhw eisoes wedi bod ynddi, a lle maen nhw eisoes wedi cyflawni trosedd: rydym eisiau torri'r patrwm hwnnw

• profwyd bod troseddwyr yn llai tebygol o dargedu cymuned sy'n cael ei diogelu ac sy'n arddangos arwyddion 'Cymdogaeth Fwy Diogel'

• mae'n llai tebygol y bydd troseddwyr yn targedu eiddo sy'n cael ei ddiogelu gan farciau fforensig

• mae marcio UV a fforensig yn ei gwneud yn haws cysylltu troseddwyr â throsedd benodol a sicrhau euogfarn – ac i ddychwelyd eiddo i'r gwir berchennog

• bydd y camau hyn yn helpu i atal troseddwyr rhag targedu cymdogaethau, a gwneud ein cymunedau'n fwy diogel.

Os oes gennych chi gwestiwn am Dangos y Drws i Drosedd neu drosedd meddiangar yng Ngwent:

Anfonwch e-bost atom

Os ydych am gysylltu â Heddlu Gwent ynghylch mater arall neu i riportio trosedd, gallwch anfon neges uniongyrchol atom ar gyfryngau cymdeithasol neu ffoniwch 101 neu 999 mewn argyfwng.