Herio’r ‘dim ond’

Aflonyddu rhywiol - does dim esgus.

Ar y cyd â Llywodraeth Cymru, mae Heddlu Gwent wedi lansio ymgyrch newydd i anfon neges glir nad oes esgus dros aflonyddu rhywiol tuag at fenywod.

Rydym wedi ymrwymo i sicrhau bod Gwent yn ddiogel i bawb, a dim ond un dull yw’r ymgyrch hon o sicrhau bod aflonyddu rhywiol yn cael ei ddileu.

Dim ond.....

P'un a yw gyda ffrindiau neu yn dy isymwybod dy hun, mae dau air bob amser yn ymddangos fel esgus dros ymddygiad amhriodol - ‘DIM OND’.

Yn rhy aml, mae dynion yn cuddio y tu ôl i'r geiriau hyn fel cyfiawnhad dros eu hymddygiad amhriodol.  Mae'n bryd rhoi'r gorau i wneud esgusodion ac atal yr aflonyddu.

Mae'n bryd rhoi'r gorau iddi....

Gall dy syniad di o beth sy'n briodol wneud i rywun arall deimlo'n anghyfforddus, yn ofnus neu'n ofidus.  Dylai pob menyw a merch allu byw eu bywydau heb ofni aflonyddu.

Does dim esgus dros:

• gyffwrdd â rhywun pan nad yw eisiau i ti wneud hynny.
• gwneud sylwadau neu ystumiau rhywiol dieisiau.
• dilyn rhywun.
• cysylltu ar y cyfryngau cymdeithasol, tecstio neu ffonio’n ddieisiau.
• gwylio rhywun neu ysbïo arni.
• cymryd lluniau o rywun heb yn wybod iddi, gan gynnwys lluniau i fyny sgert.

Rydw i wedi cael llond bol o wneud esgusodion – pryderus am dy ymddygiad dy hun

Mae gan bob un ohonom ddewis, o ran yr hyn yr ydym yn ei ddweud neu sut yr ydym yn gweithredu. Os wyt ti’n meddwl bod angen cymorth arnat ti ac eisiau rhoi'r gorau i wneud esgusodion dros dy ymddygiad, gall Respect helpu.

Mae Respect yn wasanaeth am ddim, sy'n cynnig cymorth anfeirniadol os wyt ti’n pryderu am dy ymddygiad dy hun.

Ffôn: 0808 8024040

E-bost: [email protected]

Gwe-sgwrs: https://respectphoneline.org.uk/

Rydw i wedi cael llond bol o esgusodion – pryderus am ymddygiad rhywun arall

Mae cael yr hyder i herio esgusodion ac ymddygiad rhywun arall yn gam mawr, ond gan weithio gyda sefydliadau partner a'r heddlu gallwn ni dy gefnogi drwy'r broses hon.

Galli di ein ffonio'n uniongyrchol ar 101 neu mewn argyfwng ffonia 999 bob amser. Galli di hefyd anfon neges atom ar y cyfryngau cymdeithasol drwy ddilyn @HeddluGwent.

Mae nifer o sefydliadau cymorth a all dy helpu drwy'r broses hon hefyd:

Gofyn i mi

Byw Heb Ofn

Ymyriad Gwyliwr