LEAD - Ymwybyddiaeth Amgylcheddol Leol ar Gŵn
Arwain ar gŵn
Nod ein cynllun LEAD yw annog pobl i fod yn berchnogion cyfrifol ar gŵn o bob brid - er mwyn gwella diogelwch y cyhoedd, lleihau ymddygiad gwrthgymdeithasol a sicrhau bod pobl yn gofalu ar ôl cŵn yn briodol.
Trwy weithio gyda phartneriaid awdurdod lleol, rydym yn rhoi cyngor i'r cyhoedd ar broblemau'n ymwneud â chŵn, gwella diogelwch yn y gymuned ac edrych ar les cŵn.
Fel partneriaeth, rydym yn cymryd camau gweithredu i wneud ein cymunedau'n fwy diogel i bawb trwy:
- gofnodi pob digwyddiad sy'n ymwneud ag ymddygiad negyddol gan gŵn gan gynnwys ymosodiadau gan gŵn ar bobl ac anifeiliaid; lles cŵn a chŵn yn baeddu. Mae hyn yn bwysig er mwyn creu hanes cofnodedig pe byddai angen cymryd camau gorfodi trwy LEAD
- annog perchnogion (os ydynt yn breswylwyr tai cymdeithasol) i gofnodi eu ci gyda'u landlord.
Mae amseroedd pan mae angen i'r heddlu ymateb, rhoi mesurau rheoli ar waith ac, yn y pen draw, erlyn troseddwyr.
Byddwn yn ymyrryd:
- pan fydd perchnogion yn defnyddio cŵn i gyflawni trosedd
- pan fydd cŵn yn gysylltiedig ag ymddygiad gwrthgymdeithasol
- pan fydd mathau / bridiau wedi'u gwahardd yn dod i'n sylw.
I gael mwy o wybodaeth am fridiau wedi'u gwahardd, a'r hyn rydym yn ei wneud i amddiffyn y cyhoedd rhag cŵn peryglus, ewch i'r dudalen genedlaethol.
Y camau rydym yn eu cymryd i sicrhau perchnogaeth gyfrifol
Os yw ein partneriaeth yn derbyn adroddiadau am berchnogion cŵn anghyfrifol, neu alwadau mynych am ymddygiad gwrthgymdeithasol yn ymwneud â chŵn, rydym yn cymryd nifer o gamau i amddiffyn y cyhoedd.
Gall y rhain gynnwys anfon llythyrau o rybudd, cyflwyno contractau ymddygiad derbyniol a chyflwyno gorchmynion diogelu mannau agored cyhoeddus.
- Adroddiad am ddigwyddiad.
- Llythyr rhybudd a phecyn gwybodaeth LEAD.
- Adroddiad am ail ddigwyddiad (o fewn chwe mis i’r llythyr rhybudd cyntaf).
- Llythyr rhybudd terfynol a chynnig i fynd ar gwrs.
- Adroddiad am drydydd digwyddiad (o fewn chwe mis i’r llythyr rhybudd terfynol).
- Atgyfeiriad at grŵp ymyrraeth ‘Strike 3’ ar gyfer ymyrraeth amlasiantaeth a chytundeb ymddygiad derbyniol.
- Adroddiad am bedwerydd digwyddiad (o fewn chwe mis i ‘Strike 3’).
- Atgyfeiriad at grŵp ‘Strike 4’ ar gyfer ymyrraeth amlasiantaeth a chamau gorfodi.
Oes gennych chi broblem sy'n gysylltiedig â chŵn yn eich cymuned?
Dyma pwy sy'n gallu helpu
Os ydych chi wedi cael problem yn ymwneud â chŵn yn eich cymdogaeth, rydym eisiau sicrhau eich bod chi'n cysylltu â'r person iawn, ar yr adeg iawn, er mwyn i ni allu helpu.
Mae gwahanol sefydliadau o fewn partneriaeth LEAD yn gyfrifol am ymateb i alwadau penodol. Dyma ddadansoddiad er mwyn i chi wybod pwy sy'n gallu helpu eich ymholiad.
Yr Heddlu | cysylltwch â'r heddlu ar 101, y cyfryngau cymdeithasol neu'r wefan os oes gennych chi unrhyw wybodaeth ynglŷn â bridiau anghyfreithlon, cŵn peryglus, ymddygiad gwrthgymdeithasol cysylltiedig â chŵn neu pan fydd cŵn yn ymwneud ag unrhyw weithgarwch troseddol. Ffoniwch 999 bob tro mewn argyfwng.
Awdurdod lleol | gall eich cyngor lleol helpu gydag adroddiadau am gŵn swnllyd, cŵn yn baeddu, bridiau anghyfreithlon neu gŵn crwydr.
RSPCA | ffoniwch yr RSPCA ar 0300 1234 999 os oes gennych chi bryderon am iechyd a lles cŵn.