Cadwch eich Nadolig yn ddiogel rhag troseddwyr

Oes gennych chi anrhegion dan eich coeden Nadolig?  Ydy pobl yn gallu eu gweld nhw drwy’r ffenest?

Peidiwch â gwneud pethau’n hawdd i ladron.

• Cadwch ffenestri a drysau ar glo bob amser
• Cadwch anrhegion ac eitemau gwerthfawr o’r golwg
• Gwaredwch focsys a deunydd pacio yn ofalus, yn arbennig rhai anrhegion drud, a pheidiwch â’u gadael nhw yn y golwg y tu allan i’r tŷ.
• Rhowch farc diogelwch ar anrhegion ac eiddo gwerthfawr gyda’ch cod post a rhif y tŷ.

Cofrestrwch eitemau gan ddefnyddio’r gwasanaeth am ddim: www.immobilise.com sy’n galluogi’r heddlu i adnabod perchennog eitemau os cânt eu dwyn.

Os ydych yn mynd i’r siopau dros gyfnod y Nadolig, byddwch yn ofalus sut rydych yn gadael eich car.

Peidiwch â gwneud pethau’n hawdd i ladron.

• Peidiwch â gadael eitemau gwerthfawr yn y golwg yn eich car
• Caewch ffenestri a thoeau haul, sicrhewch fod drysau wedi’u cloi a gweithredwch larymau diogelwch pan fyddwch yn gadael eich car
• Parciwch mewn ardal neu faes parcio prysur, gyda digon o olau os yn bosibl – ewch i http://www.parkmark.co.uk/ am fanylion meysydd parcio lleol cymeradwy
• Ewch ag eitemau gwerthfawr gyda chi pan fyddwch yn gadael eich car, e.e. arian, cardiau credyd, ffonau symudol, systemau llywio lloeren ac ati
• Ceisiwch osgoi dychwelyd i’ch car i adael eitemau cyn mynd yn ôl i siopa
• Os nad oes gennych ddewis, sicrhewch fod eitemau gwerthfawr a siopa yn cael eu cloi yn y gist; a gofalwch nad oes neb yn eich gwylio
• Peidiwch â gadael eich bag ar eich troli tra byddwch yn llwytho eich car.