Ydych chi wedi gweld y beic hwn?

Apêl ar ôl i feic gael ei ddwyn yn ystod lladrad

Rydym yn apelio ar unrhyw un a allai fod wedi cael cynnig prynu’r beic hwn i gysylltu â ni.

Mae swyddogion yn ymchwilio i ladrad a ddigwyddodd yn Heol Cwmcelyn, Blaenau, ger y parc sglefrio tua 4.30pm ar yr 2il o Ragfyr. 

Aeth tri bachgen yn eu harddegau i fyny at fachgen 12 oed, ymosododd un ohonynt arno, a rhedodd y tri ohonynt i ffwrdd gyda’i feic. Cafodd y bachgen fân anafiadau i’w wyneb yn ystod yr ymosodiad.

Yn ôl y disgrifiad roedd y tri bachgen yn wyn, rhwng 15 a 16 oed ac o faint canolig. Roeddent yn gwisgo tracwisgoedd du ac yn reidio ar sgwteri.

Mae’r beic yn nodweddiadol am ei fod wedi cael ei adeiladu’n bwrpasol. Yn ôl y disgrifiad mae’n feic mynydd On-One Hardtail melyn gyda siocleddfwyr blaen Fox.

Dywedodd Ditectif Gwnstabl Andrew Houghton o CID: “Roedd hwn yn ddigwyddiad trawmatig i’r dioddefwr ifanc yr ymosodwyd arno ac a oedd yn gorfod gwylio’r tramgwyddwr yn reidio i ffwrdd ar ei feic gwerthfawr. Yn ffodus, ni chafodd y bachgen ei anafu’n ddifrifol.

“Rydym yn apelio ar unrhyw un a allai fod wedi gweld y lladrad neu sydd wedi gweld y beic - sy’n nodweddiadol - i gysylltu â ni. Rydym eisiau cael y beic hwn yn ôl i’r dioddefwr ac mae angen eich gwybodaeth chi arnom ni er mwyn gwneud hynny.”

Gall unrhyw un sydd wedi gweld y beic, neu sydd wedi cael cynnig ei brynu, gysylltu â ni ar 101 gan ddyfynnu cyfeirnod 2000438611. Gallwch roi gwybodaeth i ni drwy anfon neges uniongyrchol at ein tudalennau Facebook a Twitter hefyd.

Fel arall, gallwch ffonio Crimestoppers yn ddienw ar 0800 555 111.