Neges i gymunedau ar nos Galan

Cyn nos Galan, mae’r Prif Gwnstabl Pam Kelly yn gofyn i gymunedau helpu i atal lledaenu COVID:

“Mae nos Galan bob amser yn adeg brysur ar gyfer plismona a byddwn yn parhau i gynnal presenoldeb amlwg ledled Gwent.

“Mae cyfyngiadau newydd a gyflwynwyd gan Lywodraeth Cymru yn golygu na fydd ffrindiau a theuluoedd yn cael dod at ei gilydd i ddathlu’r flwyddyn newydd. Mae rhybudd lefel pedwar yn golygu y dylai pobl aros yn eu cartrefi eu hunain a dim ond teithio pan fo hynny’n angenrheidiol. 

“Ynghyd â’n partneriaid, rydym yn gofyn i bobl Gwent wneud yr hyn sy’n iawn ar gyfer eu cymuned a dathlu mewn modd gwahanol eleni drwy aros gartref.

“Hoffwn hefyd atgoffa’r bobl hynny sy’n ystyried ymweld â’n mannau hardd poblogaidd i aros ac ystyried yr hyn y maent yn ei wneud.

“Mae lefelau Coronafeirws yn dal i fod yn uchel ar draws llawer iawn o ardaloedd Gwent, a thrwy ddilyn cyngor Llywodraeth Cymru rydym ni i gyd yn achub bywydau ac yn diogelu’r GIG.”