Mae gan bawb ohonom ran i’w chwarae i atal lledaeniad coronafeirws

Dyma neges i gymunedau Gwent oddi wrth Brif Uwch-arolygydd Mark Hobrough:

“Rydym yn gwybod bod hwn yn gyfnod anodd iawn i bawb a hoffem ddiolch i aelodau ein cymuned am eu cefnogaeth barhaus wrth i bob un ohonom gydweithio i gadw pawb yn ddiogel.

“Mae cyfyngiadau ar waith o hyd a thros y penwythnos gwnaethom gyflwyno nifer o hysbysiadau cosb benodol oherwydd bod pobl wedi casglu at ei gilydd, gan gynnwys ar gyfer parti mewn tŷ yn Nhredegar.

“Wrth i’r Nadolig agosáu, byddwn yn parhau i fynd ar batrôl ledled ardal y llu i ymgysylltu â’n cymunedau a sicrhau bod pawb yn cymryd cyfrifoldeb personol. Byddwn yn cymryd camau gorfodi yn erbyn y lleiafrif sy’n torri cyfyngiadau Llywodraeth Cymru.

“Mae pob un ohonom yn gwybod y bydd Nadolig eleni’n wahanol i unrhyw un arall ond trwy weithio gyda’n gilydd a chadw at y cyfyngiadau, gallwn helpu i atal lledaeniad y feirws a chadw ein cymunedau’n ddiogel.”

Am ragor o wybodaetham reoliadau Llywodraeth Cymru, ewch i Coronavirus regulations: frequently asked questions | GOV.WALES