Mae Heddlu Gwent a Chyngor Caerffili yn ailddatgan eu hymrwymiad i barhau i weithio gyda'i gilydd i sicrhau bod eiddo trwyddedig yn gweithredu'n ddiogel o fewn y gyfraith

Mae diwedd y cyfnod atal byr wedi arwain at leoliadau lletygarwch yn ailagor, er ei fod o dan ganllawiau llym Llywodraeth Cymru o ran bod yn ddiogel gyda COVID-19. Mae'r cydweithrediad yn ceisio helpu lleoliadau yng Nghaerffili i gadw at y cyfyngiadau hyn ond, bydd hefyd yn rhoi cyfle i'r swyddogion cymryd camau pan fydd lleoliadau yn torri'r rheoliadau. 

• Bydd angen i eiddo lletygarwch, gan gynnwys tafarndai, clybiau a bwytai, weithredu'r mesurau canlynol:
• Bydd modd i uchafswm o 4 person (heb gynnwys plant o dan 11 oed), o wahanol aelwydydd, gymdeithasu; dylai'r busnes a'r cwsmer wneud pob ymdrech o hyd i sicrhau eu bod yn cadw'r pellter mwyaf posibl wrth y bwrdd.  
• Caniateir i deuluoedd o'r un aelwyd (yr un t?), lle mae'r nifer o bobl yn fwy na 4, eistedd gyda'i gilydd wrth yr un bwrdd.
• Rhaid rheoli mynediad i'r adeilad a rhoi cyfnodau â therfyn amser i gwsmeriaid aros yn yr adeilad, er enghraifft dim mwy na dwy awr. Mae mynediad dan reolaeth yn cynnwys archebu ymlaen llaw lle bynnag y bo modd gyda manylion holl aelodau'r gr?p wedi'u cymryd fel rhan o'r archeb ac wedi'u gwirio wrth gyrraedd.  
• Dylid cadw cwsmeriaid sy’n ‘Galw i Mewn’ i’r lleiafswm, ac yn ddarostyngedig i fynediad trwy bwynt mynediad rheoledig a darparu a gwirio enwau holl aelodau'r gr?p ar y pwynt hwnnw.  
• Gwasanaeth bwrdd yn unig - rhaid i gwsmeriaid aros yn eistedd wrth archebu, cael eu gweini ac wrth fwyta ac yfed  
• Rhaid cofnodi manylion cyswllt pawb sy'n ymweld â'r adeilad at ddibenion tracio ac olrhain a rhaid i adeiladau gymryd mesurau rhesymol i sicrhau bod gwybodaeth gyswllt o'r fath yn gywir.  
• Dylai pob aelod o staff a phob cwsmer wisgo gorchudd wyneb oni bai bod y person o dan 11 oed neu os oes ganddo esgus rhesymol i beidio â gwisgo'r gorchudd wyneb (e.e. i fwyta neu yfed).  
• Rhaid i werthiannau alcohol ddod i ben am 10.00pm a rhaid cau'r adeilad erbyn 10.20pm.  
• Mae cerddoriaeth fyw wedi’i gwahardd o hyd  a dylid cyfyngu cerddoriaeth wedi'i recordio i fod yn  gerddoriaeth gefndir yn unig e.e. sydd ddim yn atal sgwrs dros bellter o 2 fetr. 

Dywedodd Arweinydd Cyngor Bwrdeistref Sirol Caerffili, y Cynghorydd Philippa Marsden,

"Rydyn ni wedi gweithio gyda'r gymuned fusnes yn  helaeth dros y misoedd diwethaf wrth i'r sefyllfa o ran COVID-19 esblygu ac mae'r rheolau wedi newid. Rydyn ni wedi cyflwyno hysbysiadau gwella a chau, lle bo hynny'n briodol, i roi'r amser i leoliadau gyflwyno mesurau i gydymffurfio a masnachu'n ddiogel o fewn y gyfraith."

Ychwanegodd, "Rydyn ni'n deall bod hwn yn gyfnod anodd i drigolion a busnesau gael cyfyngiadau ar ein bywydau, ond rydyn ni'n ceisio sicrhau bod modd cadw lleoliadau ar agor ac, er mwyn gwneud hynny, rhaid iddyn nhw fasnachu mewn modd diogel. Mae diogelwch y cyhoedd yn hollbwysig, ac wrth i ni dynnu at fisoedd y gaeaf, mae'n hanfodol ein bod ni'n cynyddu'r cymorth hwn i'r gymuned a chymryd camau gorfodi lle bo hynny'n briodol, a dyna pam rydyn ni wedi dewis cychwyn ar y cydweithrediad hwn gyda Heddlu Gwent."

Meddai'r Prif Uwch-arolygydd, Mark Hobrough,

“Ers dechrau'r argyfwng iechyd, rydyn ni wedi bod yn gweithio gydag awdurdodau lleol partner i ddiogelu a rhoi sicrwydd i gymunedau Gwent.

"Rydyn ni eisoes wedi cymryd camau ar y cyd i gamu i mewn ac atal busnesau rhag rhoi eu hunain ac eraill mewn perygl trwy beidio â dilyn canllawiau Llywodraeth Cymru.

“Ers symud allan o'r cyfyngiadau symud cenedlaethol, rydyn ni wedi gweld cymunedau yn dod at ei gilydd unwaith eto mewn ffyrdd newydd, gan gynnwys busnesau lleol.

"Wrth i ni dynnu at y cyfnod cyn Nadolig, byddwn ni’n cynnal patrolau rhagweithiol ar y cyd ledled ardal ein heddlu, gan sicrhau bod pawb yn chwarae eu rhan ac yn cymryd eu cyfrifoldeb personol.

"Bydd swyddogion yn parhau i ymgysylltu â phawb a'u hannog i wneud popeth o fewn eu gallu, fodd bynnag, i'r lleiafrif o bobl sy'n torri'r cyfyngiadau newydd, mae ein neges yn glir: byddwn ni'n cymryd camau gorfodi."

Dywedodd y Comisiynydd Heddlu a Throseddu, Jeff Cuthbert:

“Rydyn ni yng nghanol argyfwng gofal iechyd o hyd. Mae'r achosion o COVID-19 yn y gymuned yn cynyddu ac mae pobl yn marw.

"Rydyn ni nawr yn gwybod yr hyn sydd angen i ni ei wneud i leihau'r risg o ddal a lledaenu’r feirws hwn, ac os ydych chi'n penderfynu anwybyddu'r canllawiau hyn, gall Heddlu Gwent gymryd camau gorfodi yn eich erbyn chi.

"Felly, dilynwch y canllawiau, ymddwyn yn gyfrifol, aros yn ddiogel a helpu i achub bywydau yn eich cymuned."