Apêl yn dilyn ymddygiad gwrthgymdeithasol yn Nhrecelyn

Rydym yn apelio am wybodaeth yn dilyn hysbysiadau am ymddygiad gwrthgymdeithasol yn Nhrecelyn.

Cawsom nifer o alwadau dydd Sadwrn 10 Ebrill a dydd Sul 11 Ebrill yn dweud bod grŵp o bobl ifanc yn taflu cerrig at geir a thai o Bont Calzaghe.

Achoswyd difrod i ffenestri dau dŷ a dau gar. Ni chafodd unrhyw un ei anafu.

Dywedodd Arolygydd Andrew Boucher:

“Mae ymddygiad gwrthgymdeithasol yn cael effaith negyddol ar ansawdd bywyd trigolion ac ni fydd yn cael ei oddef yn ein cymunedau. Bydd unrhyw un sy’n cael ei ddal yn ymddwyn yn anghymdeithasol yn cael ei erlyn.

“Hoffwn annog unrhyw un ag unrhyw wybodaeth am y bobl sy’n gyfrifol am yr ymddygiad gwrthgymdeithasol, neu unrhyw un â delweddau CCTV, i’n ffonio ni ar 101 neu i gysylltu â’r swyddogion cymdogaeth.”