Apêl am luniau camera dashfwrdd yn dilyn ymosodiad – Casnewydd

Mae Ditectifs yn apelio am wybodaeth yn dilyn ymosodiad difrifol yn Nhŷ-du, Casnewydd.

Rydym yn  ymchwilio i ymosodiad a ddigwyddodd ym Mharc Thornbury, Ebenezer Drive ar 7 Mawrth am tua 8.10pm.

Ymosodwyd ar ddyn 27 oed o Gasnewydd gan ddau ddyn arall. Cafodd anafiadau difrifol a chafodd driniaeth yn yr ysbyty. Mae wedi ei ryddhau ers hynny.

Cafodd dyn 44 oed o Gaerdydd ei arestio ar amheuaeth o ymosod ac mae wedi ei ryddhau ar fechnïaeth yr heddlu tra bod ymholiadau’n parhau.

Mae swyddogion yn apelio ar i unrhyw fodurwr sydd â lluniau camera dashfwrdd i gysylltu gan y gallent fod wedi cipio lluniau o gar lliw tywyll yn teithio yn yr ardal.

Os oeddech chi'n teithio yn yr ardaloedd a'r amseroedd canlynol, cysylltwch gyda’ch lluniau camera dashfwrdd

•          Pye Corner, High Cross Road,  Ebenezer Drive neu Rhodfa’r Gorllewin rhwng 7.50pm a 8.15pm.
•             Glasllwch Crescent rhwng garej Texaco a Rhodfa'r Gorllewin rhwng 8pm ac 8.10pm

Gallwch hefyd uwchlwytho lluniau drwy'r ddolen ganlynol:  https://unitedkingdom1cpp-portal.digital-policing.co.uk/gwpswp/appeal/dash-camera-footage-on-7th-march-2021

Gofynnir i unrhyw sydd â gwybodaeth ffonio Heddlu Gwent ar 101, gan ddyfynnu 2100080899, neu gallwch anfon neges ar Facebook neu Twitter. Gallwch hefyd ffonio Crimestoppers  yn ddienw ar 0800 555 111.