Enwi’r gyrrwr beic modur a fu farw yn dilyn gwrthdrawiad traffig ffyrdd yn Sir Fynwy

Gellir cyhoeddi mai enw’r dyn a fu farw yn dilyn gwrthdrawiad traffig ffyrdd ar yr A466 yn Sir Fynwy yw Bruce Allen.

Aeth swyddogion i leoliad y gwrthdrawiad, rhwng beic modur a fan, ar yr A466 ger Tyndyrn ychydig cyn 11.30am dydd Gwener 2 Ebrill.

Enw gyrrwr y beic modur a fu farw yn y fan a’r lle yw Bruce Allen. Roedd yn 54 oed ac yn dod o Gas-gwent.

Mae ei deulu’n dal i gael cefnogaeth gan swyddogion sydd wedi cael hyfforddiant arbenigol.

Rydym yn parhau i ymchwilio i’r gwrthdrawiad a hoffem apelio ar unrhyw un ag unrhyw wybodaeth, nad ydynt wedi siarad â swyddogion eto, i gysylltu â ni.

Gallwch wneud hynny drwy ffonio 101 gan ddyfynnu rhif cyfeirnod 2100113870. Gallwch gysylltu â ni drwy anfon neges uniongyrchol atom ar Facebook neu Twitter.

Fel arall, gallwch ffonio Crimestoppers yn ddienw ar 0800 555 111.