Apêl yn dilyn lladrad yng Nghwmbrân
Cynnwys y prif erthygl
Aeth dau ddyn i mewn i Asda rhwng 5.45pm a 6.20pm ddydd Gwener 6 Awst ac, yn ôl a ddeallwyd, gadawsant y siop heb dalu am eitemau electronig uchel eu gwerth
Rydym yn apelio am wybodaeth ar ôl cael hysbysiad am ladrad yn Heol Llywelyn, Cwmbrân.
Aeth dau ddyn i mewn i archfarchnad Asda rhwng 5.45pm a 6.20pm ddydd Gwener 6 Awst ac, yn ôl a ddeallwyd, rhoi nifer o eitemau electronig uchel eu gwerth mewn bag cefn llwyd.
Gadawodd y pâr y siop ar ôl mynd i'r tiliau hunanwasanaeth i dalu am eitemau eraill ond credir na wnaethant dalu am yr eitemau a roddwyd yn y bag cefn.
Yn ôl y disgrifiad mae'r dyn cyntaf yn wyn, yn solet, rhwng 25 a 35 oed, tua 6'1" o daldra ac mae ganddo wallt byr du a thatŵ ar ei fraich dde rhwng yr ysgwydd a'r penelin.
Roedd yn gwisgo crysbais du, cryt-t glas tywyll, siorts tywyll ac esgidiau rhedeg gwyn.
Yn ôl y disgrifiad mae'r ail ddyn yn wyn, yn denau, yn ei ugeiniau, tua 5' 10" o daldra ac mae ganddo wallt byr du.
Roedd yn gwisgo crys-t du gyda symbol ar ei flaen, siorts denim glas ac esgidiau rhedeg du.
Mae ymholiadau'n parhau a hoffai swyddogion siarad â'r dynion hyn a oedd yn y siop ar y pryd ac a allai eu helpu gyda'u hymchwiliad.
Dylai unrhyw un â gwybodaeth ffonio 101, gan ddyfynnu rhif cofnod 2100279503 neu gallwch anfon neges uniongyrchol atom ar Facebook neu Twitter.
Fel arall, gallwch ffonio Crimestoppers yn ddienw ar 0800 555 111.