Ymchwiliad i lofruddiaeth wedi’i lansio yn Nhrellech

Mae dyn 56 oed wedi marw ar ôl hysbysiadau am ymosodiad difrifol yn Stryd yr Eglwys, Trellech, ddydd Sadwrn 4 Rhagfyr.

Cawsom hysbysiad am ymosodiad difrifol yn Stryd yr Eglwys, Trellech, ger Trefynwy, tua 8.40pm ddydd Sadwrn 4 Rhagfyr ar ôl i ddyn gael ei ganfod yn anymwybodol ac yn ddiymateb.

Aeth swyddogion i’r safle ynghyd â pharafeddygon o Wasanaeth Ambiwlans Cymru a gadarnhaodd bod dyn 56 oed o ardal Cas-gwent wedi marw.

Enw’r dyn yw Matthew Oubridge. Mae ei deulu wedi cael gwybod ac maen nhw’n derbyn cymorth gan swyddogion arbenigol.

Arestiwyd dyn 40 oed o ardal Bryste ar amheuaeth o lofruddiaeth. Mae wedi cael ei ryddhau ar fechnïaeth amodol.

Meddai Ditectif Brif Arolygydd Matt Sedgebeer, yr uwch-swyddog ymchwilio:

 “Wrth i’n hymchwiliad barhau bydd swyddogion yn gwneud ymholiadau pellach felly mae’n bosibl y gwelwch chi fwy o swyddogion heddlu yn yr ardal yn rhan o’r gwaith hwn.

“Peidiwch â dychryn ac os oes gennych chi unrhyw bryderon, arhoswch i siarad â ni.

“Rydym eisiau clywed gan unrhyw sydd un â gwybodaeth nad ydynt wedi siarad â’r heddlu eto, yn arbennig pobl gyda lluniau CCTV neu gamera car rhwng 7pm a 9.30pm ddydd Sadwrn 4 Rhagfyr yn Nhrellech.

“Dylai unrhyw un â manylion ffonio 101, gan grybwyll rhif cyfeirnod 2100424065, neu gallwch anfon neges uniongyrchol atom ar Facebook neu Twitter. Gallwch gysylltu â Crimestoppers yn ddienw hefyd ar 0800 555 111.”

Bydd tîm plismona cymdogaeth Trefynwy yn cynnal cymorthfeydd cymunedol yng Nghanolfan Babington yn Nhrellech lle gall aelodau’r cyhoedd siarad â swyddogion am unrhyw bryderon.

Cynhelir y cymorthfeydd rhwng 12.30pm a 2.30pm dydd Mercher 8 Rhagfyr a dydd Iau 9 Rhagfyr a rhwng 10.30am a 12.30pm dydd Gwener 10 Rhagfyr.