Apêl am dystion yn dilyn ymosodiad yng Nghaerffili
Cynnwys y prif erthygl
Mae swyddogion Caerffili'n apelio am dystion yn dilyn ymosodiad yn Nhrecenydd.
Cawsom ein hysbysu am ymosodiad a ddigwyddodd ddydd Sadwrn 30 Ionawr rhwng 10.30pm a 11.30pm ger Y Cilgant yn Nhrecenydd.
Dywedodd dyn ei fod yn cerdded ar hyd llwybr troed y tu cefn i'r hen Club 49 yn Nhrecenydd pan ymosododd dau ddyn arno.
Roedd angen triniaeth yn yr ysbyty ar y dioddefwr, dyn yn ei 30au, am anafiadau a oedd yn cynnwys gên wedi torri.
Yn ôl y disgrifiad roedd un o'r rhai dan amheuaeth yn ddyn gwyn, main, yng nghanol ei 20au, a thua 6 troedfedd 2 fodfedd o daldra. Roedd yn gwisgo hwdi llwyd golau a throwsus loncian llwyd golau.
Roedd y llall yn ddyn gwyn, o faint canolig, yng nghanol ei 20au a thua 5 troedfedd 9 modfedd o daldra. Roedd yn gwisgo hwdi lliw tywyll.
Rydym yn apelio ar unrhyw un a allai fod wedi gweld yr ymosodiad, neu a allai fod wedi gweld y ddau ddyn a ddisgrifir uchod adeg yr ymosodiad.
Gofynnir i unrhyw un ag unrhyw wybodaeth ein ffonio ni ar 101 gan ddyfynnu cyfeirnod 2100040634 neu gallwch anfon neges uniongyrchol atom ar Facebook neu Twitter.
Fel arall, gallwch ffonio Crimestoppers yn ddienw ar 0800 555 111.