Dyn o Gaerffili wedi cael ei garcharu am gynhyrchu canabis yn ei gartref
Cynnwys y prif erthygl
Mae Matthew Welsh, 30 oed o Benyrheol, Caerffili, wedi dechrau dedfryd o 26 mis yn y carchar am gynhyrchu canabis yn ei gyfeiriad cartref.
Plediodd Matthew yn euog i'r drosedd o gynhyrchu cyffuriau dosbarth B (canabis) ac fe'i dedfrydwyd yn Llys y Goron Casnewydd ddydd Gwener 4 Chwefror 2021.
Dywedodd Cwnstabl Heddlu Iwan Adams, swyddog yn yr achos: “O ganlyniad i ymholiadau rhagweithiol gan Dîm Plismona Cymdogaeth Caerffili, aeth swyddogion i gartref Matthew Welsh yn ardal Caerffili lle daethant o hyd i swmp o ganabis a oedd wedi cael ei gynhyrchu yno.
"Bydd Heddlu Gwent yn parhau i dargedu'r unigolion hynny sy'n gyfrifol am gynhyrchu canabis yn ein cymunedau.
"Daliwch i rannu eich pryderon am ddelio cyffuriau gyda ni er mwyn i ni allu cymryd camau gweithredu. Gallwch riportio unrhyw bryderon i ni ar 101 neu gallwch ffonio Crimestoppers yn ddienw ar 0800 555 111.”