Byddwch yn wyliadwrus yn dilyn sawl ymgais i fyrglera yng Nghaerffili

Rydym yn atgoffa trigolion yn ardal Caerffili i gadw pob drws a ffenest ar glo yn dilyn sawl ymgais i fyrglera a byrgleriaethau.

Ddydd Mawrth 26 Ionawr, cawsom ein hysbysu am ymgais i fyrglera ym Mhen-y-car, Caerffili, lle cafodd ffenest ffrynt, patio a blwch trydan y tu allan eu difrodi. (Cyfeirnod: 2100029747)

Ddydd Mercher 27 Ionawr, cawsom ein hysbysu bod dyn yn ceisio mynd i mewn trwy ddrws cefn tŷ yn defnyddio sgriwdreifer ym Mhen-yr-allt, Caerffili. (Cyfeirnod: 2100030311)

Ddydd Llun 1 Chwefror, cawsom ein hysbysu bod person yn ceisio defnyddio grym i fynd i mewn i gartref ym Mryn Aber, Caerffili. Cerddodd i ffwrdd yn ddiweddarach.  (Cyfeirnod: 2100036610)   

Ddydd Llun 1 Chwefror, cawsom ein hysbysu bod person anhysbys wedi mynd i mewn i gartref trwy ddrws cegin ym Mhen-y-bryn, Caerffili. Nid ydym yn credu bod unrhyw eitemau wedi cael eu cymryd (Cyfeirnod: 2100037084)

Ddydd Mercher 3 Chwefror, cawsom ein hysbysu am fyrgleriaeth mewn cartref yn Waun Erw, Caerffili lle cafodd allweddi car a phwrs eu dwyn a chymerwyd y car oddi ar rodfa'r eiddo (Cyfeirnod:  2100039201)

Dywed Swyddog Lleihau Trosedd ac Anhrefn Caerffili, Cwnstabl Heddlu Stuart Lewis: "Rydym yn ymchwilio i bob trosedd a riportiwyd ac mae patrolau ychwanegol yn cael eu cynnal yn awr gan swyddogion mewn iwnifform a swyddogion yn eu dillad eu hunain.

“Mae'r rhan fwyaf o'r troseddau hyn wedi digwydd yn ystod oriau mân y bore - os sylwch chi ar unrhyw weithgarwch amheus, cysylltwch â ni ar unwaith ar 101 neu os gwelwch chi drosedd yn cael ei chyflawni, ffoniwch 999.”