Apêl am wybodaeth yn dilyn lladrad yng Nghasnewydd

Mae ditectifs yn apelio am wybodaeth yn dilyn lladrad yn Alway, Casnewydd.

Mae swyddogion yn ymchwilio i ladrad a riportiwyd mewn eiddo yn Rhodfa Greenmeadow ddydd Llun, 4 Ionawr, tua 8pm.

Cawsom ein hysbysu bod tri dyn wedi mynd i mewn i eiddo a mynnu arian gan y preswylwyr. Derbyniodd dyn 20 oed anaf bach i'w wyneb yn ystod y lladrad.

Yn ôl y disgrifiad roedd y tri dyn dan amheuaeth o dras Asiaidd, ac yn eu 20iau hwyr/ 30au cynnar.

Yn ôl y disgrifiad roedd un o'r rhai dan amheuaeth yn fawr, yn 5 troedfedd 8 modfedd o daldra, gyda llygaid brow ac roedd yn gwisgo mwgwd meddygol glas, siaced "puffa" las a throwsus tywyll.

Roedd yr ail ddyn dan amheuaeth yn denau, yn 5 troedfedd 10 modfedd o daldra ac yn gwisgo mwgwd Covid du, siaced wyrdd tywyll a throwsus du.

Roedd y trydydd dyn dan amheuaeth yn fain, tua 5 troedfedd 9 modfedd o daldra ac roedd yn gwisgo dillad tywyll, gan gynnwys het.

Roedd arian a ffôn symudol ymysg yr eitemau a gafodd eu dwyn o'r eiddo.

Mae swyddogion hefyd yn ymchwilio i fyrgleriaeth yn yr un eiddo a ddigwyddodd rhywbryd rhwng 10pm ar Ionawr y 4ydd a 6.30am ar Ionawr y 5ed. Ni chredir bod unrhyw eitemau wedi cael eu cymryd.

Dywedodd Ditectif Gwnstabl Jon Sliczny: "Wrth reswm, bydd digwyddiad fel hwn yn peri pryder i drigolion yn yr ardal hon. Yn lwcus, ni chafodd y dyn unrhyw anafiadau difrifol yn ystod yr ymosodiad.

“Rydym yn parhau i ymchwilio ac yn gofyn i unrhyw un a allai fod wedi gweld rhywun tebyg i'r dynion a ddisgrifiwyd gysylltu â ni.

"Gofynnir i unrhyw un â lluniau CCTV neu luniau camera car o'r ardal ar y pryd gysylltu â ni hefyd trwy ffonio 101 gan ddyfynnu cyfeirnod 2100003922. Gallwch rannu gwybodaeth trwy anfon neges uniongyrchol at ein tudalennau Facebook a Twitter hefyd.

“Fel arall, gallwch ffonio Crimestoppers yn ddienw ar 0800 555 111.”