Apêl am dystion yn dilyn gwrthdrawiad difrifol ar yr A4042

Mae swyddogion yn ymchwilio i wrthdrawiad traffig ffyrdd difrifol ar yr A4042, Llanofer i Bengroesoped, a ddigwyddodd tua 12pm ddydd Iau, Rhagfyr 24.

Roedd y gwrthdrawiad rhwng seiclwr a Ford Fiesta.

Aethpwyd â’r seiclwr, dyn 60 oed o Sir Fynwy, i’r ysbyty am driniaeth. Yn ôl y disgrifiad mae ei anafiadau’n ddifrifol ond ni chredir eu bod yn bygwth neu’n newid bywyd.
Mae dyn 58 oed o’r Fenni wedi cael ei arestio ar amheuaeth o achosi anaf difrifol drwy yrru’n beryglus, gyrru cerbyd modur gyda lefel alcohol uwchben y terfyn cyfreithiol a gwrthod stopio ar ôl damwain ar y ffordd. Mae wedi cael ei ryddhau tra bod ymholiadau’n parhau.

Mae swyddogion yn parhau i ymchwilio a gofynnir i unrhyw un a allai fod wedi gweld y gwrthdrawiad, nad ydynt wedi siarad â swyddogion eto, gyflwyno eu hunain.

Gofynnir i unrhyw un âa delweddau camera car o’r ardal ar adeg y gwrthdrawiad neu sydd ag unrhyw wybodaeth a allai helpu’r ymchwiliad gysylltu â ni drwy ffonio 101, neu anfon neges uniongyrchol at ein tudalennau Facebook neu Twitter, gan ddyfynnu cyfeirnod 2000463450.

Fel arall, gallwch ffonio Crimestoppers yn ddienw ar 0800 555 111.