Deliwr a hysbysebodd bod cyffuriau ar werth ar Snapchat wedi cael ei ddedfrydu

Mae deliwr a hysbysebodd bod cyffuriau ar werth ar Snapchat wedi cael ei ddedfrydu i dair blynedd.

Dedfrydwyd Ethan Pope, 18 oed o Gaerffili, yn Llys y Goron Caerdydd ddydd Llun 11 Ionawr.

Roedd wedi ei gyhuddo o ymwneud â chyflenwi cocên, ymwneud â chyflenwi canabis, ymwneud â chyflenwi ketamine, ymwneud â chyflenwi ecstasi ac ymwneud â chyflenwi cyffuriau dosbarth C.

Cyhuddwyd Pope o feddu ar ganabis gyda bwriad o gyflenwi, feddu ar ketamine a cyffur dosbarth C.

Plediodd yn euog i bob cyhuddiad mewn gwrandawiad cynharach.

Dedfrydwyd y diffynnydd i dair blynedd mewn sefydliad i droseddwyr ifanc.

Cyflawnwyd y troseddau rhwng mis Rhagfyr 2017 a mis Tachwedd 2020.

Arestiwyd Pope yn ei gartref yng Nghaerffili ar 24 Tachwedd 2020.  Daethpwyd o hyd i ganabis wrth chwilio ei gartref.

Dywedodd Cwnstabl Heddlu Rhys Jones, swyddog yn yr achos:

”Rydym yn croesawu'r ddedfryd a orfodwyd gan y llys. Roedd Pope yn cyflenwi cyffuriau dosbarth A, B a C trwy fwrdeistref Caerffili gyfan a fyddai wedi cyfrannu at drallod pobl eraill yn y pen draw.

“Broliodd am faint o arian roedd yn ennill ac roedd wedi cymryd yr awenau fel y prif gyflenwr oddi ar ei ddiffynyddion eraill sydd yn y carchar yn awr.

“Mae Pope yn talu'r gosb eithaf yn awr ac yn dechrau ar gyfnod hir yn y carchar lle gall fyfyrio ar y dewisiadau mae wedi eu gwneud yn ei fywyd.

“Unwaith eto, diolchwn i'r gymuned am eu cymorth sydd wedi arwain at y cyhuddiad hwn.

“Daliwch ati i rannu eich pryderon am ddelio cyffuriau gyda ni er mwyn i ni gymryd camau gweithredu. Gallwch riportio unrhyw bryderon i ni ar 101 neu gallwch ffonio Crimestoppers yn ddienw ar 0800 555 111.