Rhybudd brys am swp o gyffuriau cryf neu ddrwg a all fod ar led

Mae’r heddlu yn cyhoeddi rhybudd brys am swp cryf neu “ddrwg” o gyffuriau a all fod ar led. Mae hyn ar ôl i un dyn farw ac un arall gael ei gymryd i’r ysbyty'r wythnos hon, y ddau ohonynt o ardal Blaenau Gwent.

Dywedodd Amanda Thomas, Prif Arolygydd lleol: “Rydym yn dal i ymchwilio i amgylchiadau’r digwyddiadau hyn ond rydym yn credu bod y ddau ddigwyddiad yn ymwneud â chyffuriau. 

"Yn amlwg, mae’r digwyddiadau hyn yn achosi pryder difrifol i ni ac rydym yn credu bod angen cyhoeddi rhybudd i bobl sy’n cymryd cyffuriau anghyfreithlon i fod yn ymwybodol, i ymatal rhag eu defnyddio ac i geisio cymorth meddygol os ydynt yn dechrau teimlo’n sâl.”