Ydych chi’n adnabod unrhyw rai o’r beiciau hyn?

Mae swyddogion o dîm plismona cymdogaeth gorllewin Casnewydd a thimau Dangos y Drws i Drosedd eisiau rhoi’r pedwar beic hyn yn ôl i’w perchnogion

Mae swyddogion yng Nghasnewydd wedi adfeddiannu pedwar beic yn ystod y pythefnos diwethaf ac maent yn gobeithio eu rhoi yn ôl i’w perchnogion.

Daethpwyd o hyd i e-feic Voodoo du yn Nhŷ Tredegar ddydd Gwener 16 Gorffennaf, a daethpwyd o hyd i feic Contour FreeSpirit gwyrdd a du yn Devon Place, ger gorsaf drenau Casnewydd ddydd Sadwrn 24 Gorffennaf.

Adfeddiannwyd y ddau feic gan dîm Dangos y Drws i Drosedd Heddlu Gwent.

Cafodd dau feic arall - un Dawes glas a du a ffrâm beic anhysbys sydd â theiar blaen ar goll - gan swyddogion o dîm plismona cymdogaeth gorllewin Casnewydd mewn cyfeiriad yn Emlyn Walk, Casnewydd ddydd Llun 26 Gorffennaf.

Arestiwyd dyn 43 oed ar amheuaeth o ddwyn beic pedal a chafodd ei ryddhau dan ymchwiliad tra bod ymholiadau’n parhau.

Gofynnir i unrhyw un sy’n adnabod un o’r beiciau hyn neu sy’n credu y gall fod yn berchen un ohonynt, ffonio Heddlu Gwent ar 101, gan ddyfynnu rhifau cyfeirnod: Tŷ Tredegar a Devon Place - 2100262568 - ac Emlyn Walk - 2100262351.

Gallwch anfon neges uniongyrchol atom ar Facebook neu Twitter hefyd.

Bydd angen prawf o berchnogaeth os ydych yn ceisio hawlio unrhyw un o’r beiciau.