Cyngor yn dilyn achosion o ddwyn ceir yn ardal Gwent

Mae swyddogion yn cynghori perchnogion ceir diallwedd, yn arbennig ceir Ford Fiesta ST, i fod yn wyliadwrus yn dilyn nifer o achosion o ddwyn yn ardal Gwent.

Rydym wedi cael ein hysbysu am 9 achos o ddwyn cerbydau Ford Fiesta ST ers mis Ebrill.

Mae lladron yn gallu defnyddio meddalwedd i ddarllen y signal a anfonir gan systemau mynediad diallwedd i fynd i mewn i gerbydau, felly dylech gadw eich ffob o'r golwg. Fodd bynnag, nid yw hyn yn ei rwystro rhag cael ei glonio.

 Mae rhai camau syml y gall pobl eu cymryd i leihau'r perygl o ddioddef lladrad o'r fath:

- Buddsoddwch mewn pwrs blocio signal ar gyfer allweddi sy'n atal lladron rhag eu sganio. Mae'r rhain yn hawdd i'w prynu ar-lein.

- Cysylltwch â'ch deliwr ceir a gwiriwch a oes angen diweddaru unrhyw feddalwedd ar eich cerbyd, a allai wella diogelwch.

- Gwiriwch a ellir tanio/diffodd y ffob. Gall eich deliwr ceir gadarnhau hyn a rhoi cyngor ynghylch sut i'w wneud.

- Os oes gennych chi gerbyd arall nad yw'n ddiallwedd, bydd parcio hwn o flaen y cerbyd diallwedd yn helpu i’w wneud yn fwy diogel.

 Awgrymiadau eraill ar gyfer atal trosedd:

• Mae cloeon llyw mecanyddol, pyst rhodfa, clampiau olwyn a thracwyr yn ffyrdd effeithiol o ddiogelu cerbydau rhag lladron hefyd

Parciwch gerbydau yn y garej neu ar rodfa
• Parciwch mewn mannau gyda digon o olau a cheisiwch osgoi mannau sydd yn dywyll neu wedi eu cuddio o olwg y cyhoedd
• Peidiwch byth â gadael unrhyw eitemau personol yn y golwg yn y cerbyd
• Peidiwch â gadael tystiolaeth bod eiddo gwerthfawr yn y cerbyd e.e. marciau system llywio lloeren ar y ffenest flaen
• Sicrhewch fod cerbydau wedi'u cloi bob amser pan nad oes neb ynddynt
• Byddwch yn wyliadwrus a riportiwch unrhyw ymddygiad amheus.

Gall unrhyw un â gwybodaeth am yr achosion diweddar o ddwyn ein ffonio ar 101 neu anfon neges uniongyrchol atom ar Facebook neu Twitter.

Gallwch roi gwybodaeth yn ddienw i Crimestoppers ar 0800 555 111 hefyd.