Heddlu Gwent yn croesawu dau gi pwrpas cyffredinol newydd i'r adran cŵn

Mae dau gi heddlu newydd wedi llwyddo yn eu hyfforddiant cychwynnol i gŵn heddlu gyda Heddlu Gwent.

Bydd CH Maui (Bleiddgi’r Almaen) a Woody (Bleiddgi Gwad Belg) yn ymuno â'r 25 ci yn adran cŵn yr heddlu ac yn gweithio gyda'u trinwyr i amddiffyn a thawelu meddwl cymunedau Gwent.

Yn ystod eu cwrs hyfforddiant 12 wythnos, datblygwyd gallu naturiol y cŵn i dracio, chwilio am bobl, chwilio am eitemau a dal troseddwyr.

Fel cŵn "pwrpas cyffredinol" maen nhw a'u trinwyr yn gallu cael eu defnyddio yn awr i dracio a dod o hyd i bobl ar goll neu bobl fregus a chanfod ac atal trosedd.

Yn dilyn eu cyflwyniad "cwblhau hyfforddiant" brynhawn ddoe, lle cafodd y ddau driniwr a'r cŵn eu llongyfarch gan y Prif Gwnstabl Cynorthwyol, Ian Roberts, cyflwynwyd eu rhifau coler unigryw i'r cŵn. 

Yn ôl y 2019, dechreuodd Heddlu Gwent roi rhif coler penodedig i gŵn heddlu newydd - i gydnabod y rôl hollbwysig maen nhw'n ei chwarae yng Ngwent i amddiffyn cymunedau a dileu trosedd.

Penderfynwyd cyflwyno rhifau coler ar ôl i Gyfraith Finn gael ei phasio yn 2019, ymgyrch i gael gwell amddiffyniad cyfreithiol i gŵn heddlu.

Dywedodd Cwnstabl Heddlu Gareth Thomas a arweiniodd yr hyfforddiant ar gyfer swyddogion pedair coes diweddaraf Gwent: "Mae'n wych croesawu Maui a Woody i'r tîm.

"Mae'r cŵn, a'u trinwyr, wedi gweithio'n anhygoel o galed dros y misoedd diwethaf er mwyn cyrraedd y safon genedlaethol ofynnol i ddod yn gi heddlu trwyddedig.

"Mae ein cŵn yn chwarae rhan allweddol mewn amrywiaeth o waith plismona ac maen nhw'n gaffaeliad gwerthfawr.

"Bydd Maui a Woody'n ymuno â'u trinwyr ar sifft yn awr ac maen nhw'n awyddus i ddarparu cefnogaeth weithredol er mwyn gwasanaethu cymunedau Gwent.

Am ragor o newyddion am adran cŵn y llu, ewch i https://www.gwent.police.uk/police-forces/gwent-police/areas/about-us/about-us/meet-our-police-dogs/.