Swyddog Heddlu Gwent yn cael ei gydnabod

Rhestr Anrhydeddau Pen-blwydd y Frenhines.

Mae Rhestr Anrhydeddau Pen-blwydd y Frenhines yn cynrychioli ystod eang o unigolion sydd wedi dangos gwasanaeth a dyletswydd ragorol.

Mae'n bleser gennym gyhoeddi bod y Ditectif Brif Uwch-arolygydd Paul Griffiths, un o swyddogion presennol Heddlu Gwent, wedi cael ei gydnabod ar restr Anrhydeddau Pen-blwydd y Frenhines.

Ar hyn o bryd Paul yw Llywydd Cymdeithas Uwch-arolygwyr yr Heddlu, ac wedi bod ag amrywiaeth eang o swyddi o fewn plismona yn ystod ei yrfa ragorol.

Dywedodd y Prif Gwnstabl Pam Kelly:

"Rwy'n falch iawn o allu rhannu'r newyddion anhygoel hyn gyda'n cymunedau a'n sefydliad.

"Drwy gydol ei gyfnod ym maes plismona, mae Paul wedi bod yn ymwneud â nifer o achosion cymhleth ac wedi cyfrannu'n helaeth at Elusen Diwrnod Cofio Genedlaethol yr Heddlu ac Ymddiriedolaeth Goffa Coedardd yr Heddlu.

"Yn benodol, Paul fu’n arwain Ymgyrch Imperial, ymchwiliad manwl i Gaethwasiaeth Fodern a arweiniodd at nifer o euogfarnau llwyddiannus.

"Mae bod yn yr  heddlu wedi profi i fod yn fwy na swydd i Paul, mae'n deulu estynedig sydd wedi ymrwymo i helpu’r rhai sydd mewn angen a rhoi rhywbeth yn ôl.

"Ar ran pawb ledled Gwent llongyfarchiadau Paul, bydd yn falch o dy lwyddiant, rydym ni i gyd mor falch ohonot ti."