Apêl yn dilyn ddifrod troseddol yn Bargod

Rydym yn apelio am wybodaeth ar ôl cael ein hysbysu am ddifrod troseddol yn Rhodfa'r Parc, Bargod.

Achoswyd difrod i'r rheiliau o gwmpas cae chwarae clwb rygbi Bargod, a daethpwyd o hyd i lawer o wydr wedi chwalu, o boteli wedi torri yn ôl pob tebyg, ar y llawr yn y parc.

Gwelwyd nifer o bobl ifanc, grŵp o rhwng 30 a 40 yn ôl y sôn, yn y parc tua 5.20pm dydd Gwener 19 Mawrth ac mae swyddogion yn awyddus i siarad ag unrhyw un a oedd yn yr ardal ar y pryd.

Dywedodd Rhingyll Richard Tovey:

“Rydym yn ymwybodol o hysbysiadau am ymddygiad gwrthgymdeithasol ymysg pobl ifanc ar Rodfa'r Parc dydd Gwener 19 Mawrth.

"Mae'r ymddygiad hwn yn gwbl annerbyniol a byddwn yn cysylltu â pherchennog y tir yn rhan o'n hymholiadau. Byddwn yn edrych ar ddelweddau CCTV o'r ardal ar adeg y digwyddiad hwn.

“Bydd unrhyw un sy'n cael ei weld i fod yn ymddwyn yn wrthgymdeithasol yn ystod y digwyddiad hwn yn cael ei erlyn. Byddwn yn siarad gyda'n hasiantaethau partner hefyd i weld a oes angen gorfodi rheolau mewn ffordd arall.

"Mae ymddygiad gwrthgymdeithasol yn cael effaith negyddol ar ansawdd bywyd trigolion. Nid yw'n dderbyniol yn ein cymunedau.

"Hoffwn ddiolch i aelodau'r cyhoedd sydd wedi helpu i glirio'r gwydr a adawyd gan yr unigolion hyn sy'n meddwl bod achosi difrod i'n mannau agored cyhoeddus a gadael sbwriel yn dderbyniol.

"Rydym yn awyddus i gael help gan rieni a gallant wneud hynny trwy sicrhau eu bod yn gwybod ble mae eu plant, a beth maen nhw'n ei wneud.

“Hoffwn annog unrhyw un ag unrhyw wybodaeth a all ein helpu i adnabod y bobl sy'n gyfrifol i gysylltu â ni ar 101 neu gysylltu â swyddogion cymdogaeth."

Mae ymholiadau'n parhau a gofynnir i unrhyw un â gwybodaeth a allai helpu ein hymchwiliad, neu sydd â delweddau CCTV neu gamera car, ffonio Heddlu Gwent ar 101, gan ddyfynnu rhif cofnod 2100099915.

Gallwch gysylltu â ni ar dudalennau cyfryngau cymdeithasol Facebook a Twitter hefyd neu gallwch ffonio Crimestoppers yn ddienw ar 0800 555 111.