Gorchmynion gwasgaru i fynd i'r afael ag ymddygiad gwrthgymdeithasol yng Nghaerffili

Bydd gorchmynion gwasgaru ar waith ym Margod a Rhymni'r penwythnos hwn i fynd i'r afael ag ymddygiad gwrthgymdeithasol.

Mae'r gorchmynion 48 awr o ganlyniad i gynnydd mewn ymddygiad gwrthgymdeithasol. Mae'r gorchmynion yn rhoi pwerau ychwanegol i swyddogion anfon grwpiau o'r ardal os ydynt yn ymwneud ag ymddygiad gwrthgymdeithasol, os ydynt yn aflonyddu ar aelodau'r cyhoedd, yn eu dychryn neu’n peri gofid iddynt, neu os yw swyddogion yn meddwl y gallai eu hymddygiad arwain at ymddygiad gwrthgymdeithasol.

Os byddant yn dychwelyd i'r ardal honno ar ôl cael eu symud, byddant yn wynebu cael eu harestio.

Mae gorchymyn gwasgaru wedi cael ei gyhoeddi ar gyfer ardal Parc Bargod o 6pm dydd Gwener 21 Mai tan 6pm dydd Sul 23 Mai.    Mae hyn o ganlyniad i gynnydd mewn galwadau ynghylch ymddygiad gwrthgymdeithasol a difrod troseddol yn y parc.

Bydd y gorchymyn hwn yn cynnwys cae chwarae clwb rygbi Bargod, Rhodfa'r Parc, Heol Moorland, Rhodfa'r Gorllewin, Stryd Upper Wood, Heol- Cae-Derwen, Llwyn Heolddu a Rhodfa Heolddu.

Bargoed Park. Source: Google map

Bydd gorchymyn gwasgaru ar gyfer canol tref Bargod yn weithredol o 8pm dydd Gwener 21 Mai tan 8pm dydd Sul 23 Mai.

Bydd y gorchymyn hwn yn cynnwys Heol yr Orsaf, Porth Bargod, Ffordd yr Angel, Stryd Wood, Stryd Upper Wood, Sgwâr Hanbury, Stryd y Gorllewin, Stryd y Groes, Stryd Greenfield, Stryd Francis, Stryd Ruth, Stryd y De, Heol y Parc, maes parcio Morrisons gan gynnwys gorsaf fysys Bargod a meysydd parcio.

Bargoed Town Centre. Source: Google map

Bydd gorchymyn gwasgaru Rhymni ar waith o 5pm dydd Gwener 21 Mai tan 5pm dydd Sul 23 Mai.

Bydd yn cynnwys y Stryd Fawr, Stryd Goshen, Teras Tan-y-Lan, Upper High Street, Parc Coffa Rhymni ynghyd â thir Clwb Rygbi Rhymni.

Rhymney. Source: Google maps

Dywedodd Rhingyll Richard Tovey:

“Mae ymddygiad gwrthgymdeithasol yn cael effaith negyddol ar ansawdd bywyd trigolion ac ni fydd yn cael ei oddef yn ein cymunedau. Bydd swyddogion cymdogaeth ar batrôl yn y ddwy ardal y penwythnos hwn a byddant yn cymryd camau gweithredu yn erbyn unrhyw un sy'n benderfynol o achosi ymddygiad gwrthgymdeithasol.

“Rydym wedi bod yn gweithio gyda'n partneriaid gan gynnwys Morrisons ym Margod i roi sylw i unrhyw bryderon ynghylch ymddygiad gwrthgymdeithasol yn y maes parcio. Bydd unrhyw fodurwyr sy'n cael eu dal yn gyrru eu cerbyd yn beryglus, afreolus neu mewn ffordd wrthgymdeithasol yn cael eu herlyn.

“Gofynnwn i rieni sicrhau eu bod yn gwybod ble mae eu plant bob amser tra bydd y gorchymyn gwasgaru yn weithredol. Hoffwn annog aelodau'r cyhoedd i riportio unrhyw bryderon am ymddygiad gwrthgymdeithasol trwy ein ffonio ni ar 101.”