Gorchymyn gwasgaru wedi'i gyhoeddi ar gyfer Nant-y-glo

Mae gorchymyn gwasgaru 48 awr wedi cael ei gyhoeddi ar gyfer Nant-y-glo yn dilyn hysbysiadau am ymddygiad gwrthgymdeithasol yn yr ardal.

Daeth y gorchymyn i rym am 8pm ar 25 Tachwedd a bydd yn weithredol tan 8pm yfory, dydd Sadwrn 27 Tachwedd.

Mae'r gorchymyn yn cynnwys yr ardaloedd a ddangosir ar y map, gan gynnwys Pond Road, Lakesidw Way a hen safle ysgol Nant-y-glo, ac mae'n rhoi pwerau ychwanegol i swyddogion anfon grwpiau o'r ardal os yw eu hymddygiad yn debygol o gyfrannu at anhrefn neu'n debygol o aflonyddu ar aelodau'r cyhoedd, eu dychryn neu beri gofid iddynt.

Source: Google Maps 

Os byddant yn dychwelyd i'r ardal honno ar ôl cael eu symud byddant yn cael eu harestio.

Rhoddwyd y gorchymyn ar waith yn dilyn hysbysiadau am wyau'n cael eu taflu at gerbydau a difrod i eiddo.

Meddai Arolygydd Shane Underwood:

"Rydym wedi derbyn nifer cynyddol o alwadau'n riportio ymddygiad gwrthgymdeithasol yn Nant-y-glo ac rydym wedi rhoi gorchymyn gwasgaru ar waith i dawelu meddwl trigolion.

"Nid yw'r math hwn o ymddygiad byth yn dderbyniol: nid yn unig mae taflu wyau at gerbydau sy'n mynd heibio'n difrodi eiddo, mae hefyd yn rhoi modurwyr a cherddwyr cyfagos mewn perygl.

“Ni fydd ymddygiad fel hwn yn cael ei oddef gan Heddlu Gwent a byddwn yn parhau i gymryd camau gweithredu yn erbyn unrhyw un sy'n achosi anhrefn a niwed yn ein cymunedau.

"Gofynnwn i rieni sicrhau eu bod yn gwybod ble mae eu plant bob amser, yn arbennig tra bydd y gorchymyn gwasgaru yn weithredol. Gofynnir i unrhyw un â gwybodaeth am y rhai sy'n gyfrifol am yr anhrefn diweddar gysylltu â ni ar 101, neu anfon neges uniongyrchol ar Facebook neu Twitter."