Dyn wedi’i gyhuddo ar ôl ymchwiliad i gyfres o fyrgleriaethau

Mae swyddogion wedi arestio dyn 42 oed o Gaerdydd ar amheuaeth o fyrgleriaeth yn dilyn wythnosau o ymchwiliadau seiliedig ar gudd-wybodaeth i gyfres o fyrgleriaethau a ddigwyddodd ym Mlaenau Gwent yn ddiweddar.

Arestiwyd y dyn ddoe ac aethpwyd ag ef i’r ddalfa cyn iddo gael ei gyhuddo o saith cyfrif o fyrgleriaeth.

Mae wedi cael ei remandio i’r llys ac mae i fod i ymddangos gerbron Llys Ynadon Casnewydd y bore yma.

Yn rhan o’r ymchwiliad, llwyddodd swyddogion i adfer eiddo o gyfeiriadau yn Nhredegar a Glynebwy, ac maen nhw yn y broses o ddychwelyd yr eitemau at eu perchnogion.