Apêl am wybodaeth yn dilyn digwyddiad yn Limekiln Road, Pont-y-pŵl
Cynnwys y prif erthygl
Cawsom adroddiad o ddigwyddiad yn Limekiln Road, Pont-y-pŵl, am tua 6.30pm ddydd Mercher 6 Gorffennaf, ar ôl i fachgen a merch gwympo o’r chwarel.
Datganwyd bachgen 15 oed o ardal Pont-y-pŵl yn farw yn y fan a'r lle gan barafeddygon Gwasanaeth Ambiwlans Cymru.
Dioddefodd merch 14 oed o ardal Blaenafon anafiadau difrifol ac fe’i cludwyd gan Ambiwlans Awyr Cymru i Ysbyty Athrofa Cymru am driniaeth.
Mae teulu’r bachgen wedi cael gwybod ac yn cael cymorth gan swyddogion arbenigol.
Gofynnir i unrhyw un sydd â gwybodaeth a allai helpu’r ymchwiliad ffonio 101, gan ddyfynnu’r cyfeirnod log 2200225719 neu anfon neges uniongyrchol atom ar Facebook neu Twitter.
Fel arall, gallwch ffonio Crimestoppers yn ddienw ar 0800 555 111.