Dyn wedi’i gyhuddo ar ôl ymosodiad
Cynnwys y prif erthygl
Mae dyn 22 oed yn derbyn triniaeth yn yr ysbyty ar ôl adroddiadau am ymosodiad yn Cambrian Road, Casnewydd ddydd Mawrth 19 Gorffennaf.
Cawsom adroddiad am ymosodiad ar Cambrian Road, Casnewydd tua 2.40am ddydd Mawrth 19 Gorffennaf.
Aeth swyddogion i’r lleoliad, ynghyd â pharafeddygon o Wasanaeth Ambiwlans Cymru, ac aethpwyd â dyn 22 oed o ardal Casnewydd i’r ysbyty i gael triniaeth.
Credir bod ei anafiadau’n ddifrifol ond mae mewn cyflwr sefydlog.
Arestiwyd dyn 18 oed o Gasnewydd ar amheuaeth o ymosodiad ac yn ddiweddarach cafodd ei gyhuddo o adran 18 – anafu bwriadol – a’i remandio i ymddangos gerbron Llys Ynadon Casnewydd.
Mae ymholiadau’n parhau a gall unrhyw un â gwybodaeth, gan gynnwys lluniau CCTV neu gamera car, ffonio 101 neu anfon neges uniongyrchol atom ar gyfryngau cymdeithasol, gan grybwyll rhif cofnod 2200241015.
Gallwch gysylltu â Crimestoppers yn ddienw ar 0800 555 111 gyda manylion.