Man charged following drugs raid in TredegarMan charged following drugs raid in Tredegar
Cynnwys y prif erthygl
Gweithredodd swyddogion o dîm troseddau difrifol a threfnedig Heddlu Gwent warant mewn cyfeiriad yn Nhredegar ddydd Llun 11 Gorffennaf.
Gweithredodd swyddogion o dîm troseddau difrifol a threfnedig Heddlu Gwent warant mewn cyfeiriad yn Nhredegar ddydd Llun ac arestiwyd dyn 20 oed o Dredegar ar amheuaeth o’r troseddau canlynol:
- meddu ar gyffur rheoledig dosbarth A (crac cocên) gyda bwriad o gyflenwi
- meddu ar gyffur rheoledig dosbarth B (canabis) gyda bwriad o gyflenwi
- mewnforio dosbarth B
- ymwneud â chyflenwi cyffur rheoledig dosbarth A (crac cocên)
- ymwneud â chyflenwi cyffur rheoledig dosbarth B (canabis)
- meddu ar eiddo troseddol.
Cafodd ei gyhuddo o’r troseddau hyn yn ddiweddarach ac ymddangosodd gerbron Llys Ynadon Casnewydd ddydd Mercher 13 Gorffennaf.
Yn ystod y cyrch, atafaelodd swyddogion gyffuriau dosbarth A (crac cocên) a dosbarth B (canabis).
Meddai Ditectif Brif Arolygydd Rob Jenkins:
"Mae’r warant yn Nhredegar yr wythnos hon, lle atafaelodd swyddogion swmp o gyffuriau anghyfreithlon, yn dangos ein bod wedi ymroi yn barhaus i amddiffyn ein cymunedau rhag effeithiau niweidiol cyffuriau anghyfreithlon.
"Mae cyflenwi cyffuriau o’r fath yn gallu cael effaith hynod o ddinistriol ar ein cymunedau ac ni fydd yn cael ei oddef gan Heddlu Gwent.
“Mae cefnogaeth y gymuned leol yn hollbwysig i’r gwaith hwn a hoffwn annog pobl i roi gwybod i ni am unrhyw weithgarwch amheus neu anarferol yn eu hardal er mwyn i ni weithredu.
“Os oes gennych chi unrhyw wybodaeth am gyflenwi neu ddefnyddio cyffuriau yn eich cymuned, ffoniwch ni ar 101, neu ffoniwch Crimestoppers yn ddienw ar 0800 555 111.
"Fel arall, gallwch anfon neges uniongyrchol gyda gwybodaeth at dudalennau Facebook neu Twitter Heddlu Gwent.”