Witness appeal after M4 collision
Cynnwys y prif erthygl
Aeth swyddogion i wrthdrawiad traffig ar yr M4 rhwng cyffordd 24 a 25 tua 7.30am fore Sul 3 Gorffennaf ac maent yn apelio am wybodaeth – yn enwedig lluniau dashcam – i gynorthwyo eu hymholiadau.
Rydym yn apelio am dystion yn dilyn gwrthdrawiad traffig ar yr M4 rhwng cyffordd 24 a 25 tua 7.30am fore Sul 3 Gorffennaf.
Aeth swyddogion i olygfa’r gwrthdrawiad a oedd yn cynnwys fan wen a Land Rover gwyrdd.
Roedd parafeddygon o Wasanaeth Ambiwlans Cymru yn bresennol hefyd ac aed â dyn 67 oed o Gasnewydd i Ysbyty Athrofaol Cymru, yng Nghaerdydd, am driniaeth ac mae mewn cyflwr sefydlog.
Cafodd dyn 37 oed o Aberpennar ei arestio ar amheuaeth o achosi anaf difrifol drwy yrru'n beryglus ac fe gafodd ei ryddhau dan ymchwiliad yn ddiweddarach.
Gofynnir i unrhyw un sydd â gwybodaeth am y gwrthdrawiad gysylltu â ni.
Rydym yn gofyn i unrhyw un a allai fod wedi bod yn dyst i'r gwrthdrawiad neu unrhyw fodurwyr â lluniau dashcam a oedd yn defnyddio'r M4 rhwng 7.30am ac 8.00am a rhwng cyffordd 24 a 25 i gysylltu â ni.
Gallwch ein ffonio ar 101 neu anfon neges uniongyrchol atom ar Facebook neu Twitter, gan ddyfynnu cyfeirnod log 2200221526 gydag unrhyw fanylion.
Fel arall, gallwch ffonio Crimestoppers yn ddienw ar 0800 555 111.