Addewid ar Ddiwrnod Cyfrineiriau’r Byd

Gwnewch addewid i chi'ch hunan - peidiwch byth â pheryglu'ch diogelwch ar-lein.

Heddiw (dydd Iau 5 Mai), mae’n ddiwrnod cyfrineiriau’r byd, sef cyfle i godi ymwybyddiaeth o bwysigrwydd gwella diogelwch cyfrineiriau.

Fel rhan o’r diwrnod, rydyn ni’n gofyn i chi wneud addewid cyfrinair i leihau’r perygl bod eich gwybodaeth yn cael ei dwyn ar-lein.

Gallwch wneud addewid mewn tri cham syml.

1. Creu cyfrineiriau cryf ac unigryw gan ddefnyddio tri gair ar hap.
2. Defnyddio cyfrineiriau gwahanol ac unigryw ar gyfer pob cyfrif sydd gennych ar-lein.
3. Defnyddio ail haen o amddiffyniad, fel dilysiad dau ffactor.

Ar gyfartaledd, mae gan bobl dros 100 o gyfrineiriau i’w cofio, felly rydyn ni am atgoffa pobl bod ffyrdd syml o gofio’r cyfrineiriau yma gan gadw eu cyfrifon a’u gwybodaeth yn ddiogel ar yr un pryd.

Mae data fel arian cyfred yn y byd modern, ac mae seiberdroseddwyr yn chwilio am y ffyrdd hawsaf o gael mynediad at ein gwybodaeth ar-lein er mwyn dwyn arian a’ch dynwared o bosib.

Bydd yr uned seiberdroseddau yn cymryd yr awenau ar ein cyfrif Instagram heddiw, i drafod y cyngor diweddaraf, y ffordd orau o ddiogelu eich cyfrifon, ac i siarad am y cyfrineiriau mwyaf cyffredin er mwyn i chi allu gwirio eich hylendid seiber eich hunain.

 Meddai’r Swyddog Diogelu Seiber, Kate Lloyd:

“Cyn gweithio ym maes seiberdroseddau, ro’n i’n defnyddio enw fy nghi ar gyfer fy holl gyfrineiriau gan mai dyna oedd y ffordd hawsaf.

“Ond, mae prif ran fy swydd yn cynnwys cynghori llawer o ddioddefwyr, ac ers gweld gyda fy llygaid fy hunan yr effaith ddomino ddinistriol gall seiberdroseddu ei chael ar ddioddefwyr, rydw i wedi gwella fy seiberddiogelwch yn llwyr.

“Heddiw, ar ddiwrnod cyfrineiriau’r byd, rydyn ni’n annog unigolion i wneud addewid cyfrineiriau er mwyn amddiffyn eu cyfrifon ar-lein yn well.”

Oeddech chi’n gwybod:

Mae’r gair “password” wedi cael ei ddefnyddio 3.2 miliwn o weithiau ac mae modd ei gracio ar unwaith gan ddefnyddio meddalwedd cracio cyfrineiriau. Y cyfrineiriau eraill oedd ar frig y rhestr oedd:

Dyma rai pethau pwysig i’w cofio:

• Wrth greu cyfrinair, mae’n bwysig ei fod yn unigryw.
• Peidiwch â defnyddio enwau, dyddiadau geni, na “Password123”.
• Defnyddiwch gyfrineiriau gwahanol ar gyfer gwahanol gyfrifon.
• Defnyddiwch ap rheoli cyfrineiriau neu cadwch eich cyfrineiriau ar eich porwr.

Rhowch Diwrnod Cyfrineiriau’r Byd yn eich dyddiadur, ac ymdrechwch i ddiweddaru eich diogelwch ar-lein unwaith y flwyddyn.

Os ydych chi’n meddwl eich bod chi wedi bod yn destun trosedd ar-lein, gallwch adrodd amdani ar-lein neu ffonio 101.

Fel arall, gallwch adrodd amdani wrth:

Os ydych chi neu rywun arall mewn perygl uniongyrchol, ffoniwch 999.

 

Isod mae dolenni seiberddiogelwch defnyddiol:

Byddwch yn seiber-effro - https://www.ncsc.gov.uk/cyberaware/home

Sut i greu cyfrinair cryf - https://www.ncsc.gov.uk/blog-post/three-random-words-or-thinkrandom-0

Cyngor ar aros yn ddiogel ar-lein - https://www.ncsc.gov.uk/collection/top-tips-for-staying-secure-online/password-managers

Cyfrif Twitter Seiber - https://twitter.com/GPCyberCrime