Apêl am dystion yn dilyn byrgleriaeth yng Nghas-bach
Cynnwys y prif erthygl
Mae swyddogion sy’n ymchwilio yn gofyn i unrhyw un a gwybodaeth gysylltu â nhw
Rydym yn apelio am wybodaeth yn dilyn adroddiad am fyrgleriaeth yn Rhodfa Tynewydd, Cas-bach ddydd Gwener 15 Ebrill lle cafodd llawer o emwaith ei ddwyn.
Ymysg yr eitemau a ddygwyd roedd tlws ambr ar gadwyn arian, chwyddwydr ar gadwyn lliw arian a thlws lapis lazuli wedi’i archebu’m arbennig gyda chlesbyn aur (gweler y llun).
Meddai Arolygydd Staff yr Heddlu Beth Jones, y swyddog yn yr achos:
“Credir bod y fyrgleriaeth wedi digwydd rywbryd rhwng 9am a 11pm ddydd Gwener 15 Ebrill.
“Mae nifer o’r eitemau hyn yn unigryw ac o werth personol sylweddol i’r dioddefwr.
“Mae gennym ddiddordeb mewn siarad ag unrhyw un a all helpu ein hymholiadau, yn arbennig os ydych chi wedi gweld unrhyw rai o’r eitemau, neu os oes rhywun wedi ceisio gwerthu rhywbeth i chi sy’n cyd-fynd â’r disgrifiad o’r eitemau.”
Mae’r rhestr lawn o emwaith a ddygwyd yn cynnwys:
- Un pâr o glust dlysau aur crwn 18 carat gyda rhicynau
- Un freichled arian haenedig gydag ambr a thlws ambr ar gadwyn arian
- Un freichled cadwyn arian
- Un pâr o glust dlysau clipio ambr, siâp sgwâr
- Un pâr o glust dlysau clipio ambr, siâp gellyg
- Dau bâr o glust dlysau clipio arian
- Un ‘lorgnette’ marcasit – chwyddwydr ar gadwyn lliw arian
- Un tlws lapis lazuli wedi’i archebu’n arbennig, gyda chlesbyn aur
- Un gadwyn Fictorianaidd aur gwyn ac aur
- Un gadwyn arian
- Un set o dlws a chlust dlysau arian
- Dwy oriawr breichled Omega aur
- Un oriawr Tisell aur gwyn
- Un gadwyn aur gwyn ac aur coeth
- Un gadwyn hir o fwclis du
- Cadwyni a gemau gwisgo eraill gan gynnwys cadwyn werdd
Gofynnir i unrhyw un â gwybodaeth a allai gynorthwyo’r ymchwiliad ffonio 101 neu anfon neges uniongyrchol atom ar gyfryngau cymdeithasol, gan grybwyll rhif cofnod 2200125075.
Gallwch gysylltu â Crimestoppers yn ddienw hefyd ar 0800 555 111 gyda manylion.