Ymosodiad yng Nghaerffili

Rydyn ni’n apelio am wybodaeth yn dilyn ymosodiad a ddigwyddodd yng Nghaerffili ddydd Sul 13 Tachwedd.

Cafwyd ffrwgwd rhwng dau ddyn – rywbryd rhwng 9pm a 9.15pm, ar Station Terrace ger maes parcio gorsaf drenau Caerffili.

Dioddefodd dyn 32 oed anafiadau i’w wyneb ac aethpwyd ag ef i’r ysbyty. Mae wedi cael ei ryddhau erbyn hyn.

Rydyn ni’n ceisio dod o hyd i’r dyn arall a oedd yn gwisgo siaced ‘puffer’ gwyn ar y pryd.

Os gallwch chi helpu, ffoniwch ni ar 101, gan grybwyll 2200384616, neu gallwch anfon neges uniongyrchol atom ni ar Facebook neu Twitter.

Gallwch ffonio Crimestoppers yn ddienw hefyd ar 0800 555 111.