DIWEDDARIAD: Dod o hyd i ddarnau o esgyrn yng Nghasnewydd
Cynnwys y prif erthygl
Ni nodwyd unrhyw droseddau ar ôl i weddillion dynol gael eu canfod mewn ardal nad yw wedi ei dynodi ar gyfer claddu ym mynwent Gwynllyw.
Galwyd ni i fynwent Gwynllyw, Heol Basaleg, Casnewydd, tua 12.55pm ddydd Iau 29 Medi ar ôl i ddarnau o esgyrn gael eu canfod mewn ardal nad yw wedi ei dynodi ar gyfer claddu.
Mae’r archwiliad fforensig o’r esgyrn wedi dod i ben ac rydym wedi cynnal ymchwiliad yn y lleoliad.
Dywedodd yr Uwch Arolygydd Vicki Townsend:
“Er bod y canlyniadau yn cadarnhau bod yr esgyrn yn rhai dynol, gallwn gadarnhau nad yw hwn yn ymchwiliad troseddol bellach.
“Mae swyddogion wedi siarad â’r perthnasau agosaf sy’n cael cymorth gan swyddogion arbenigol.
“Rwy’n deall y gallai pobl ag anwyliaid yn y fynwent neu drigolion sy’n byw yn agos wedi bod yn bryderus am ein presenoldeb yn y lleoliad a’r math o ymholiadau.
“Hoffwn ddiolch i gymunedau yng Nghasnewydd am eu cymorth a’u dealltwriaeth yn ystod yr ymgyrch hon.
“Byddwn yn trosglwyddo unrhyw ymchwilio pellach yn y fynwent i Gyngor Dinas Casnewydd.”