Apêl am dystion ar ôl lladrad ym Mlaenafon
Cynnwys y prif erthygl
Aeth dyn anhysbys at fenyw yn Broad Street, Blaenafon, ac yn ôl pob sôn cymerodd nifer o eitemau oddi arni.
Rydyn ni’n ymchwilio i adroddiad am ladrad yn Broad Street, Blaenafon, ddydd Mawrth 18 Hydref.
Tua 4.45pm aeth dyn anhysbys at fenyw 52 oed a oedd ar sgwter symudedd ac yn ôl pob sôn cymerodd ei ffôn symudol, cardiau banc a swm o arian.
Ni chafodd y fenyw ei hanafu yn ystod y digwyddiad.
Rydyn ni’n apelio ar unrhyw un â gwybodaeth, gan gynnwys delweddau CCTV neu gamera car, ac unrhyw un a oedd ar Broad Street neu ar y B4246 rhwng 4.30pm a 5.30pm, i gysylltu â ni.
Yn ôl y disgrifiad roedd y dyn yn wyn, dros chwe throedfedd o daldra ac yn fawr. Roedd yn gwisgo dillad tywyll ac roedd ganddo dwll gyda thlws yn ymyl ei ael chwith.
Gall unrhyw un â gwybodaeth ein ffonio ni ar 101 neu anfon neges uniongyrchol ar gyfryngau cymdeithasol, gan grybwyll rhif cofnod 2200353615.
Gallwch gysylltu â Crimestoppers yn ddienw ar 0800 555 111 gyda gwybodaeth hefyd.