Y diweddaraf am Ymgyrch Utah

Cafodd dros 40 o gerbydau eu stopio yng Nghasnewydd yr wythnos hon mewn mesur llym yn erbyn troseddau moduro.

Nod Ymgyrch Utah yw nodi cerbydau sy’n cael eu gyrru’n anghyfreithlon neu nad ydynt yn ddiogel ar gyfer y ffordd. 

Cynhaliwyd yr ymgyrch diogelwch ar y ffyrdd ddoe, dydd Llun 10 Hydref gan gynnwys swyddogion o’r uned plismona’r ffyrdd, yr adran gŵn, y tîm troseddau gwledig, swyddogion ymateb a’r swyddogion gwirfoddol. Ymunodd ein partneriaid o’r DVSA (Asiantaeth Safonau Gyrwyr a Cherbydau) â’r swyddogion hefyd. 

Roedd y canlyniadau’n cynnwys y canlynol: 

🔹 40 o gerbydau wedi’u harchwilio 

🔹 26 o droseddau traffig wedi’u cofnodi 

🔹 82 o droseddau goryrru 

🔹 15 o droseddau traffig oherwydd llwythi ansefydlog neu dros eu pwysau 

🔹 wyth o droseddau wedi’u nodi oherwydd cyflwr y cerbyd 

🔹 dau rif car anghyfreithlon 

🔹 pedwar o bobl wedi’u harestio am yrru dan ddylanwad cyffuriau 

🔹 saith o gerbydau wedi’u hatafaelu am fod heb yswiriant 

🔹 chwech o droseddau traffig am yrru heb wisgo gwregys diogelwch 

🔹 un arestiad am fod â chyffuriau yn ei feddiant 

 
Cafodd yr Asiantaeth Gwasanaeth Cerbydau a Gweithredwyr y canlyniadau canlynol hefyd: 

🔹 21 o waharddiadau ar unwaith 

🔹 7 o waharddiadau wedi’u hoedi 

🔹 3 hysbysiad o archwiliadau 
 
Dywedodd PC Haydock o’r uned Plismona’r Ffyrdd a Gweithrediadau Arbenigol: 

“Rwy’n gobeithio bod canlyniadau’r ymgyrch hon yn anfon neges glir bod gyrru’n anghyfrifol neu beidio â chynnal cyflwr eich cerbyd yn annerbyniol a byddwn yn ymdrin â chi yn gadarn. 

“Hoffem ddiolch i’n partneriaid am weithio gyda ni ar yr ymgyrch hon i wneud y ffyrdd yn ein cymunedau mor ddiogel â phosibl. 

“Mae gan bob un ohonom ran i’w chwarae wrth sicrhau diogelwch defnyddwyr eraill y ffyrdd – rwy’n annog pob modurwr i yrru’n ofalus, yn gyfrifol ac o fewn terfynau’r gyfraith ac i sicrhau bod eu cerbydau mewn cyflwr da drwy’r amser.” 

Os ydych yn pryderu am gerbydau nad ydynt yn ddiogel ar gyfer y ffordd neu sy’n cael eu gyrru’n anghyfreithlon, gallwch ein ffonio ar 101 neu anfon neges uniongyrchol atom.