Gorchymyn gwasgaru yng Nghil-y-coed

Bydd y gorchymyn mewn grym rhwng 6pm dydd Gwener 23 Medi a 6pm dydd Sul 25 Medi, yn dilyn adroddiadau am ymddygiad gwrthgymdeithasol yn y dref.

Bydd gorchymyn gwasgaru ar gyfer rhannau o Gil-y-coed yn dod i rym am 6pm dydd Gwener 23 Medi yn dilyn nifer o adroddiadau am ymddygiad gwrthgymdeithasol.

Bydd y gorchymyn mewn grym tan 6pm dydd Sul 25 Medi a bydd yn cynnwys Castell Cil-y-coed, canol y dref a strydoedd preswyl cyfagos.

Mae'r ardaloedd sy'n rhan o'r gorchymyn yn cynnwys Heol Casnewydd, Sandy Lane, Mill Lane, Heol Cas-gwent a'r ffyrdd o amgylch fel y dangosir ar y map isod.

Meddai Rhingyll Lee Smith-Stephens:

"Mae ymddygiad gwrthgymdeithasol yn gallu cael effaith negyddol ar ansawdd bywyd ein cymunedau ac ni fydd yn cael ei oddef yng Ngwent.

"Mae ein swyddogion wedi ymroi i amddiffyn ein cymunedau a byddant yn cymryd camau gweithredu yn erbyn unrhyw un sy'n benderfynol o achosi niwed neu anhrefn.

“Os oes gennych chi unrhyw bryderon ynghylch ymddygiad gwrthgymdeithasol, ac os gwelwch chi ni ar batrôl, arhoswch i siarad â ni.

"Fel arall gallwch riportio eich pryderon trwy ffonio 101, neu anfon neges uniongyrchol atom ni ar Facebook neu Twitter."

Mae gorchmynion gwasgaru'n rhoi pwerau ychwanegol i swyddogion anfon grwpiau o'r ardal os ydynt yn ymddwyn yn wrthgymdeithasol neu'n afreolus, os ydynt yn aflonyddu, dychryn neu'n peri gofid i aelodau'r cyhoedd, neu os yw eu hymddygiad yn debygol o arwain at hynny. 

Os byddant yn dychwelyd i'r ardal honno ar ôl cael eu symud, byddant yn wynebu cael eu harestio.