SmartTag yn helpu i gysylltu troseddwyr gyda safle trosedd

Bydd ein swyddogion yn gallu defnyddio SmartTag, hylif marcio fforensig, i gysylltu troseddwyr gyda throseddau sydd wedi cael eu riportio wrthym ni.

Bydd tacteg newydd yn cael ei chyflwyno i swyddogion ledled Gwent i'w helpu nhw i adnabod troseddwyr ar safle trosedd.

Mae SmartTag yn defnyddio tun gwasgeddedig i wasgaru llif o SmartWater, sylwedd marcio fforensig, i 'dagio' troseddwyr gyda chod fforensig unigryw sy'n eu cysylltu nhw gyda safle trosedd.

Bydd y ffordd newydd hon o ddefnyddio SmartWater yn gymorth i swyddogion pan fydd troseddwyr yn ceisio cuddio pwy ydyn nhw, yn arbennig yn ystod digwyddiadau sy'n ymwneud ag ymddygiad gwrthgymdeithasol, anhrefn, neu ddigwyddiadau’n ymwneud â defnyddio e-feiciau, e-sgwteri a beiciau oddi ar y ffordd yn anghyfreithiol.

Dim ond diferyn o SmartWater sydd ei angen i brofi y tu hwnt i amheuaeth mai nhw oedd yr unigolyn ar safle’r drosedd.

Meddai Prif Uwch-arolygydd Carl Williams:

“Ar ôl cyflwyno a defnyddio ein ffurf newydd o SmartWater - SmartTag, rydyn ni'n gobeithio gweld llawer mwy o droseddwyr yn cael eu cysylltu gyda throseddau ledled Gwent.

"Rwyf yn gobeithio y bydd yn helpu i wneud ein cymunedau'n llefydd mwy diogel i bawb."

Os oes gennych chi unrhyw wybodaeth sy'n ymwneud ag ymddygiad gwrthgymdeithasol, ffoniwch 101 neu anfonwch neges uniongyrchol atom ar gyfryngau cymdeithasol.

Gallwch gysylltu â Crimestoppers yn ddienw ar 0800 555 111 hefyd.

Ffoniwch 999 bob tro mewn argyfwng