Dyn wedi ei gyhuddo o niwed corfforol difrifol ar ôl ymosodiad yng Nghwmbrân
Cynnwys y prif erthygl
Cafodd dyn 29 oed o Gasnewydd ei remandio i ymddangos gerbron y llys ar ôl iddo gael ei gyhuddo o achosi niwed corfforol difrifol yn fwriadol a gyrru cerbyd modur yn beryglus.
Rydyn ni’n ymchwilio i adroddiad am ymosodiad yn Fairwater Way, Cwmbrân, tua 8.45pm ddydd Iau 24 Awst.
Arestiwyd dau ddyn ar amheuaeth o ymgais i lofruddio yn dilyn ymosodiad yn Fairwater Way.
Cyhuddwyd dyn 29 oed o Gasnewydd o achosi niwed corfforol difrifol yn fwriadol a gyrru cerbyd modur yn beryglus.
Cafodd ei remandio i ymddangos gerbron Llys Ynadon Casnewydd.
Rhyddhawyd dyn 18 oed o Gwmbrân ar fechnïaeth tra bod ymholiadau’n parhau.
Mae dyn 26 oed yn derbyn triniaeth yn yr ysbyty o hyd ac mae ei gyflwr yn sefydlog.
Gofynnir i unrhyw un â gwybodaeth ein ffonio ni ar 101, neu anfon neges uniongyrchol atom ni ar Facebook neu Twitter, gan grybwyll rhif cofnod 2300285624.
Fel arall, gallwch gysylltu â Crimestoppers yn ddienw ar 0800 555 111 gyda manylion.