“Bydd marwolaeth sydyn ein mam annwyl yn gadael bwlch na chaiff byth ei lenwi.”
Cynnwys y prif erthygl
Gellir cadarnhau mai enw’r fenyw a fu farw yn dilyn gwrthdrawiad traffig ffordd ar yr A4042 ddydd Llun 7 Awst oedd Pauline Williams, o Dalywain.
Cafwyd adroddiad o wrthdrawiad traffig ffordd ar yr A4042, tua’r de rhwng cylchfannau McDonalds a New Inn tua 11.50am ddydd Llun 7 Awst.
Roedd pedwar car yn gysylltiedig â’r gwrthdrawiad: Peugeot, Ford, Mercedes du a Mercedes llwyd. Aethpwyd â’r fenyw 79 oed a oedd yn teithio yn y car Ford i’r ysbyty, lle y bu farw’n ddiweddarach.
Mae ei theulu yn parhau i gael ei gefnogi gan swyddogion arbenigol ac maent wedi cyhoeddi’r deyrnged ganlynol iddi:
“Bydd marwolaeth sydyn ein mam annwyl, Pauline, o dan amgylchiadau mor drychinebus, yn gadael bwlch na chaiff byth ei lenwi. Roedd hi’n wraig gariadus i Brian am bron i 59 mlynedd, yn fam i David, Helen ac Alison, ac yn fam-gu i Daniel, Bethan, Chloe, Dylan a Lucy.
“Fel teulu, hoffem ddiolch i bawb am eu negeseuon o gefnogaeth, eu dymuniadau caredig a’u blodau hyfryd. Mae eu caredigrwydd wedi bod yn anhygoel.”
Mae swyddogion sy’n ymchwilio i’r gwrthdrawiad dal yn awyddus i siarad ag unrhyw fodurwyr a oedd yn teithio ar yr A4042 rhwng 11.45am a 12pm ddydd Llun 7 Awst neu unrhyw un sydd â ffilm camera car neu deledu cylch cyfyng.
Cysylltwch â ni drwy ffonio 101, gan ddyfynnu cyfeirnod 2300262994, neu anfonwch neges uniongyrchol atom ar y cyfryngau cymdeithasol.