Gorchymyn gwasgaru yng Nghwmbrân

Bydd y gorchymyn mewn grym o 1pm dydd Sadwrn 25 Chwefror tan 10pm dydd Sul 26 Chwefror, yn dilyn adroddiadau am ymddygiad gwrthgymdeithasol yng nghanol y dref.

Bydd gorchymyn gwasgaru ar gyfer rhannau o ganol tref Cwmbrân yn dod i rym am 1pm yfory (dydd Sadwrn 25 Chwefror) yn dilyn nifer o adroddiadau am ymddygiad gwrthgymdeithasol.

Bydd y gorchymyn mewn grym tan 10pm dydd Sul 26 Chwefror.

Mae'r ardaloedd sy'n rhan o'r gorchymyn yn cynnwys Leisure @ Cwmbran a siopau ar gyrion canol y dref, fel Aldi, Morrisons, Lidl, a Sainsbury’s.

Meddai Cwnstabl Heddlu Jason Ghalamkary: 

"Yn dilyn adroddiadau am ymddygiad gwrthgymdeithasol gan drigolion a busnesau yn yr ardal, rydym wedi cyhoeddi'r gorchymyn gwasgaru hwn yng nghanol tref Cwmbrân.

"Mae ein swyddogion wedi ymroi i amddiffyn ein cymunedau a byddant yn cymryd camau gweithredu yn erbyn unrhyw un sy'n benderfynol o achosi niwed neu anhrefn.

“Os oes gennych chi bryderon ynghylch ymddygiad gwrthgymdeithasol, gallwch ei riportio drwy ffonio 101, neu drwy anfon neges uniongyrchol atom ar gyfryngau cymdeithasol.”

Mae gorchmynion gwasgaru'n rhoi pwerau ychwanegol i swyddogion anfon grwpiau o'r ardal os ydynt yn ymddwyn yn wrthgymdeithasol neu'n afreolus, os ydynt yn aflonyddu, dychryn neu'n peri gofid i aelodau'r cyhoedd, neu os yw eu hymddygiad yn debygol o arwain at hynny. 

Os byddant yn dychwelyd i'r ardal honno ar ôl cael eu symud, byddant yn wynebu cael eu harestio.