Gorchymyn gwasgaru wedi'i gyhoeddi ar gyfer Rhymni
Cynnwys y prif erthygl
Mae gorchymyn gwasgaru 48 awr wedi cael ei gyhoeddi ar gyfer Rhymni.
Mae'r gorchymyn gwasgaru ar waith yn awr a bydd mewn grym tan 4pm yfory, dydd Iau 9 Chwefror.
Mae'r gorchymyn yn cynnwys yr ardaloedd a ddangosir ar y map, gan gynnwys Stryd Fawr Rhymni, y parc sglefrio a'r ffyrdd o gwmpas Family Shopper.
Source: Google Maps
Mae'n rhoi pwerau ychwanegol i swyddogion anfon grwpiau o'r ardal os yw eu hymddygiad yn debygol o gyfrannu at anhrefn neu'n debygol o aflonyddu ar aelodau'r cyhoedd, eu dychryn neu beri gofid iddynt.
Os byddant yn dychwelyd i'r ardal honno ar ôl cael eu symud, byddant yn wynebu cael eu harestio.
Rhoddwyd y gorchymyn mewn grym ar ôl adroddiadau am ymddygiad gwrthgymdeithasol yn yr ardal.
Meddai Arolygydd Lysha Thompson:
"Rydym wedi gweld cynnydd mewn ymddygiad gwrthgymdeithasol yn yr ardal, sy'n hollol annerbyniol.
"Bydd ein timau plismona cymdogaeth ar batrôl yn yr ardal a byddant yn cymryd camau gweithredu yn erbyn unrhyw un sy'n ymddwyn yn afreolus neu yn wrthgymdeithasol.
"Rydym yn gofyn i rieni sicrhau eu bod yn gwybod lle mae eu plant trwy'r amser, yn arbennig tra bydd y gorchymyn gwasgaru mewn grym. Gofynnaf hefyd i aelodau'r cyhoedd riportio unrhyw bryderon ynghylch ymddygiad gwrthgymdeithasol wrthym ni drwy ffonio 101."