Tri o bobl wedi’u harestio ym Mhilgwenlli

Arweiniodd gwarant cyffuriau a weithredwyd ym Mhilgwenlli’r wythnos ddiwethaf at dri arést.

Gweithredodd swyddogion warant mewn cyfeiriadau yn Albion Court a Francis Drive, Pilgwenlli ddydd Iau 16 Chwefror.

Arestiwyd tri dyn, 21, 30 a 24 oed, pob un ohonynt o ardal Casnewydd, ar amheuaeth o gynllwynio i gyflenwi cyffur dosbarth B – canabis.

Mae’r tri ohonynt wedi cael eu cyhuddo a’u remandio i’r ddalfa.

Atafaelwyd swmp o ganabis ac arian o’r eiddo.

Meddai Arolygydd Pilgwenlli, Hannah Welti:

“Gweithredwyd y warant yma yn dilyn pryderon yn y gymuned am ddefnyddio cyffuriau. Mae cyflenwi cyffuriau anghyfreithlon yn cael effaith sylweddol ar ein cymunedau, a byddwn yn parhau i gymryd camau gorfodi yn erbyn pobl sy’n ymwneud â’r mathau hyn o droseddau.

“Mae cefnogaeth a chymorth y gymuned leol yn hollbwysig i’r gwaith yma a hoffwn annog pobl i roi gwybod i ni am unrhyw weithgarwch amheus neu anghyffredin yn eu hardal er mwyn i ni gymryd camau gweithredu.

“Os oes gennych chi wybodaeth am gyflenwi neu ddefnyddio cyffuriau yn eich cymuned, ffoniwch ni ar 101, neu ffoniwch Crimestoppers yn ddienw ar 0800 555 111. Fel arall, gallwch anfon neges uniongyrchol gyda gwybodaeth at dudalennau Facebook neu Twitter Heddlu Gwent.”