Dau ddyn wedi’u harestio yn dilyn gwarantau ym Margod

Gweithredodd swyddogion Caerffili warantau ym Margod y bore yma a arweiniodd at arestio dau ddyn ac atafaelu swmp o gyffuriau ac arian.

Gweithredodd swyddogion cymdogaeth yng ngogledd Caerffili ddwy warant cyffuriau yn ystod oriau mân y bore yma (28 Chwefror).

Chwiliwyd dau gyfeiriad ym Margod wrth i swyddogion weithredu’r gwarantau  o dan Y Ddeddf Camddefnyddio Cyffuriau.

Arestiwyd dyn 19 oed o Fargod ar amheuaeth o ymwneud â chyflenwi cyffuriau dosbarth B, ac arestiwyd dyn 24 oed, hefyd o Fargod, ar amheuaeth o ymwneud â chyflenwi cyffuriau dosbarth B. Aethpwyd â nhw i orsaf heddlu i gael eu holi ac maen nhw’n dal yn y ddalfa.

Atafaelodd swyddogion swmp o gyffuriau (Canabis) ac arian yn ystod y cyrchoedd hefyd.

Meddai Rhingyll Heddlu Thomas Brookes: "Arestio’r ddau ddyn ac atafaelu’r cyffuriau ac arian y bore yma oedd y camau diweddaraf gan swyddogion cymdogaeth yng ngogledd Caerffili i fynd i’r afael â chyflenwi cyffuriau anghyfreithlon.

"Rydym wedi ymroi i amddiffyn ein cymunedau a gobeithio bod gwarantau’r bore yma’n rhoi rhyw faint o sicrwydd i’r cyhoedd ein bod yn benderfynol o dargedu troseddau cyffuriau."