Apêl am dystion ar ôl gwrthdrawiad yng Nghrymlyn
Cynnwys y prif erthygl
Aeth swyddogion i leoliad gwrthdrawiad traffig ffyrdd ar yr A472 rhwng Crymlyn a Ffordd Hafodyrynys, tua 3.50am ddydd Sadwrn 14 Ionawr ac maen nhw'n apelio ar unrhyw un sydd â gwybodaeth i gysylltu â nhw.
Rydyn ni'n apelio am dystion yn dilyn gwrthdrawiad ar yr A472 rhwng Crymlyn a Ffordd Hafodyrynys, tua 3.50am ddydd Sadwrn 14 Ionawr.
Aeth swyddogion i leoliad y gwrthdrawiad, ynghyd â phersonél o Wasanaeth Ambiwlans Cymru, ac un car oedd yn rhan o’r gwrthdrawiad - Dacia Sandero du.
Cafodd teithiwr yn y car, menyw 28 oed, ei chludo i'r ysbyty lle bu farw'n ddiweddarach.
Mae ei theulu agosaf wedi cael gwybod ac maen nhw’n derbyn cefnogaeth gan swyddogion arbenigol.
Cafodd dyn 31 oed o Lynebwy ei arestio ar amheuaeth o achosi marwolaeth trwy yrru peryglus a gyrru tra’n anaddas oherwydd diod a chyffuriau. Mae yn dal yn y ddalfa.
Gofynnir i unrhyw un â gwybodaeth am y gwrthdrawiad gysylltu â ni.
Rydyn ni'n gofyn i unrhyw un a allai fod wedi gweld y gwrthdrawiad, neu unrhyw fodurwyr â lluniau CCTV neu gamera car o’r A472 yn ardal Crymlyn rhwng 3.30am a 4am gysylltu â ni.
Gallwch ein ffonio ni ar 101 neu anfon neges uniongyrchol atom ar Facebook neu Twitter, gan grybwyll rhif cofnod 2300013602 gydag unrhyw fanylion.
Fel arall, gallwch ffonio Crimestoppers yn ddienw ar 0800 555 111.