TRIBUTE: “Josh was a kind, loving and caring person”
Cynnwys y prif erthygl
Gallwn gyhoeddi yn awr mai’r dyn a fu farw yn dilyn y gwrthdrawiad traffig ffyrdd yn Monnow Way, Betws tua 3.40pm ddydd Mercher 25 Ionawr yw Joshua Stock, o Gasnewydd.
Aeth swyddogion i leoliad gwrthdrawiad traffig ffyrdd yn Monnow Way, Betws tua 3.40pm ddydd Mercher 25 Ionawr.
Cadarnhaodd parafeddygon bod y gyrrwr, dyn 23 oed o ardal Casnewydd, wedi marw yn y fan a’r lle.
Gallwn gyhoeddi yn awr mai ei enw yw Joshua Stock.
Mae ei deulu wedi cyhoeddi’r deyrnged ganlynol iddo:
“Roedd Josh yn berson caredig, cariadus a gofalgar. Roedd yn gwbl ymroddedig i’w deulu ac yn ofalwr amser llawn i’w famgu annwyl, Judith, yn ymweld â hi a gofalu amdani bob dydd.
“Roedd Josh wrth ei fodd yn tynnu coes ac roedd ganddo synnwyr digrifwch drygionus a sych iawn. Byddai’n mynd allan o’i ffordd i wneud i bobl wenu a chwerthin, hyd yn oed yn ystod y cyfnodau gwaethaf.
“Roedd yn hapus braf ac roedd bob amser yn ffeindio amser i helpu ei ffrindiau.
“Rydyn ni’n ddiolchgar am yr holl negeseuon caredig o gariad a chefnogaeth, ond gofynnwn am amser i alaru gyda’n gilydd fel teulu.”
Mae ei deulu agosaf yn dal i gael cymorth gan swyddogion arbenigol.
Rydyn ni’n gofyn i unrhyw un a allai fod wedi gweld y gwrthdrawiad neu unrhyw fodurwyr â lluniau camera car a oedd yn defnyddio Monnow Way rhwng 3pm a 4pm gysylltu â ni.
Gallwch ein ffonio ni ar 101 neu anfon neges uniongyrchol atom ni ar Facebook neu Twitter, gan grybwyll rhif cofnod 2300026066 gydag unrhyw fanylion.
Fel arall, gallwch ffonio Crimestoppers yn ddienw ar 0800 555 111.